Ushbu tadbir 4-sinf o'quv-chilari ishtirokida o'tkaziladi

O'quvchi: Islom Karimov — mustaqil davlatimiz asoschisi.
O'quvchi: O'zbekistonning ma'muriy – huquqiy tuzilishi: Qoraqalpog'iston Respublikasi, 12 viloyat va Toshkent shahridan iborat.
O'quvchi: Maydoni: 448900 kv.km.
O'quvchi: Aholisi: 28 milliondan ortiq kishi. Ularning 77 foizi o'zbeklardir.
O'quvchi: Davlat tili: o'zbek tili.
O'quvchi: Pul birligi: so'm.
O'quvchi: Maqsadimiz: ozod va obod Vatan, erkin va farovon hayot qurish.


O'quvchi:
Vatan — mening onamsan,
Issiq quchog'ing.
Olamda yagonamsan,
Aziz tuprog'ing.
Kelajaging buyukdir,
Yashna doimo.
Vatanim, sen bugun,
Tanidi dunyo.
"Diyor madhi".


Ashula
Hamma: Ona-Vatan ertasi Kelajakning mevasi. Bilim, hunar egasi Biz bo'lamiz, albatta, Niyatlar ulkan, katta. Dovrug'lidir Vatanim Obro'lidir Vatanim. Dunyodagi chamanim Ko'z qoramdek saqlayman, Ishonchingni oqlayman.
O'quvchi: Konstitutsiyaning
5-moddasi:
O'zbekiston Respublikasi qonun bilan tasdiqlanadigan o'z davlat ramzlari — bayrog'i, gerbi va madhiyasiga ega.
O'quvchi: O'zbekiston Respublikasi Davlat bayrog'i O'zbekiston Respublikasi Oliy Kengashining navbatdan tashqari o'tkazilgan VII sessiyasida 1991-yil 18-noyabrda tasdiqlangan.
O'quvchi: O'zbekiston Respublikasi Davlat gerbi O'zbekiston Respublikasi Oliy Kengashining X sessiyasida 1992-yil 2-iyul kuni tasdiqlangan.
O'quvchi: Konstitutsiyaning 6-moddasi:
"O'zbekiston Respublikasining poytaxti — Toshkent shahri".
O'quvchi: Toshkent 2200 yillik tarixga ega. Toshkent aholisi 2 milliondan ortiq Bu yerda 100 dan ortiq millat vakillari yashaydi.
O'quvchi: Toshkent do'stlik, tinchlik va birodarlik shahri sifatida butun dunyoga mashhur. Bu shaharda fanning turli sohalari bo'yicha xalqaro anjumanlar o'tkazib turiladi. 2007-yili "Toshkent — Islom madaniyati poytaxti", deb e'lon qilindi. 2009-yili Toshkentning 2200 yilligi nishonlandi.


O'quvchi:
Poytaxt shahar, bosh shahar,
Qadim tuproq, Shosh shahar.
Gullar shahri, gul shahri,
Quyoshga sirdosh shahar.


Sen tinchlik qo'ng'irog'i,
Sen ozodlik kuyisan.
Sen mehrning o'chog'i,
Sen oftobning uyisan.