Uslubiy ko‘rsatma t oshkent 2020 Tuzuvchilar: Mamarasulova F. S., Karimov R. Ch. «Elektr ta’minoti ishonchliligi»

1.2.MАSАLАLАRNI YECHISH UCHUN MISОLLАR.
1-misol. 1. Tangani bir marta tashlashdan iborat tajribani qaraylik. Bu tajriba natijasi ikkita elementar hodisadan: ω₁ - tanganing gerbli tomoni tushishi hodisasi (G) va ω₂ - tanganing raqamli tomoni tushishi hodisasidan (R) iborat bo‘ladi. Demak, bu holda elementar hodisalar to‘plami Ω={ω₁, ω₂}={G, R} bo‘ladi.
2. Tangani ikki marta tashlashdan iborat tajribani qaraylik. Bu tajriba natijalari quyidagicha bo‘ladi:
GG - ikki marta ham tanganing gerbli tomoni tushishi hodisasi;
GR - birinchi marta gerbli, ikkinchi marta raqamli tomoni tushish hodisasi;
RG - birinchi marta raqamli, ikkinchi marta esa gerbli tomoni tushishi hodisasi;
RR - ikki marta ham tanganing raqamli tomoni tushishi hodisasi.
Bu holda elementar hodisalar GG, GR, RG, RR bo‘lib, ularning to‘plami Ω={GG, GR, RG, RR} bo‘ladi.
2-misol. Tajriba 3 dona yangi nav urug‘ni ekishdan iborat bo‘lsin. Bu tajriba natijasidan quyidagi hodisalarni tuzamiz:
A₀ - birorta ham urug‘ unib chiqmaganligi hodisasi;
A₁ - bir dona urug‘ning unib chiqish hodisasi;
A₂ - ikki dona urug‘ning unib chiqish hodisasi;
A - unib chiqqan urug‘lar soni ikkitadan ortiq bo‘lmaganlik hodisasi. Ma‘lum-ki, bu holda A₀∩A₁, A₁∩A, A₂∩A bo‘ladi.
2-ta‘rif. Agar A hodisa B hodisani ergashtirsa va o‘z navbatida B hodisa A hodisani ergashtirsa, u holda A va B teng kuchli hodisalar deyiladi va A=B kabi yoziladi.
3-ta‘rif. Tajriba natijasida yo A hodisa, yoki B hodisa, yoki ham A, ham B hodisalar ro‘y berishidan iborat hodisa A va B hodisalarning yig‘indisi deb ataladi va A+B kabi belgilanadi.
4-ta‘rif. Tajriba natijasida ham A hodisa, ham B hodisaning (bir vaqtda) birgalikda ro‘y berishidan iborat hodisa A va B hodisalar ko‘paytmasi deb ataladi va AB kabi belgilanadi.
5-ta‘rif. Agar A va B hodisalar bir paytda ro‘y berishi mumkin bo‘lmagan hodisalar, ya‘ni A•B=V bo‘lsa, u holda A va V birgalikda bo‘lmagan hodisalar deyiladi. Aks holda birgalikda hodisalar deyiladi.