Va ularning malakasini oshirish instituti “innovasion ta’lim texnologiyalari” kafedrasi Kasb-hunar ta’limi tizimi kadrlarining malakasini oshirish kursi

MUNDARIJA

Bitituv malaka ish boblari va paragraflari	Beti
Kirish ........................................................................................................................	5
1-bob. Professional ta’limda davlat siyosati ...................................	8
1.1 Professional ta’lim tizimidagi islohatlar .................................	8
1.2. Malaka tavsiflari mazmuni va qo‘llash tartibi……………………………	11
2-bob.Bo‘lim boshlig’ining lavozim vazifalari va ta’lim muassasida amalga oshirilayotgan ishlar…………………………………………….	14
2.1.Texnikumlarda har bir bo’lim boshlig’i lavozim- vazifalari taqsimoti……	14
2.2. Ta’lim muassasida amalga oshirilayotgan ishlar…………………………..	26
Xulosa va takliflar ....................................................................................................	29
Foydalanilgan adabiyotlar ro‘yxati ........................................................................	33
Ilovalar ..........................................................................................................	?

KIRISH
Bitiruv malakaviy ishning kirish qismida mavzuni dolzarbligi, maqsadi, vazifalari, amaliy ahamiyati va ta’lim muassasasi to‘g‘risida umumiy ma’lumotlar keltiradi:

Ushu bitiruv malakaviy ishining dolzarbligi- Marg'ilon Abu Ali ibn Sino nomidagi Jamoat salomatligi texnikumida Bo’lim boshlig’ining lavozim vazifalari va ta’lim muassasida amalga oshirilayotgan ishlarini to’g’ri tashkil etish
Bitiruv malakaviy ish maqsadi-uzluksiz ta’lim tizimining rivojlanishini to’g’ri tashkil etish, yoshlarni ta’lim dargohlariga to’g’ri yo’naltirishda bo’lim boshlig’i vazifasini imkoniyatini ochib berish.
Vazifalari- tibbiyot texnikumida olib borilayotgan Prezident qarorig muvofiq ishlar bilan tanishtirish, ta’lim tizimini belgilab beruvchi huquqiy normative hujjatlar bilan tanishtirish, lavozim vazifalari va malaka talablaridan kelib chiqqan holda ta’limni tashkil etishni o’rganishdan iborat
Bitiruv malakaviy ishining amaliy ahamiyati talabalarning ta’lim tizimidagi islohotlar bilan uzluksiz ravishda tanishtirib borish barobarida pedagog kadrlarning egallab turgan lavozimini aniq va normative hujjatlar asosida to’g’ri tashkil etishni tushuntirishdan iborat.
Mamlakatimizda kasb xunar kollejlari va ularda olib borilayotgan qator islohotlar mana bir necha yildirki, jamiyatda alohida o’rin belgilab kelmoqda. Bundan tashqari ana shu dargohda faoliyat olib borayotgan Bo‘lim boshligining lavozim vazifalari va ta’lim muassasida amalga oshirilayotgan ishlar ham alohida ahamiyt kas etadi. Ushbu bitiruv malakaviy ishida Bo‘lim boshligining lavozim vazifalari mavzusi mumkin qadaryoritib berilgan. Avvalo, Muhtaram Prezidentimiz farmonida yozilganidek:
Uzluksiz ta’lim tizimini yanada takomillashtirishga, sifatli ta’lim xizmatlaridan foydalanishni oshirishga, mehnat bozorining zamonaviy talablariga muvofiq yuqori malakali kadrlar tayyorlashga davlat tomonidan alohida e’tibor berilmoqda. 
O‘tgan yillarda ta’lim tizimini isloh qilish jarayonida respublikada mustahkam huquqiy, tashkiliy, moddiy-texnik baza yaratildi, bu intellektual salohiyati yuqori va barkamol yosh avlodni o‘qitish va tarbiyalashning mazmunini yangilashga ko‘maklashdi. 
Shu bilan birga, islohotlar amalga oshirilgan yillarda umumiy o‘rta, shuningdek, o‘rta maxsus, kasb-hunar ta’limini rivojlantirish, 12 yillik majburiy ta’limga o‘tish natijalarini har tomonlama tahlil qilish hozirgi o‘rta maxsus, kasb-hunar ta’limi tizimi bugungi kun talablariga javob bermasligini va tubdan isloh qilishga muhtoj ekanligini ko‘rsatdi. 
Jumladan, kasb-hunar kollejlarini hududlarda joylashtirishga tizimli yondashish mavjud emasligi, mintaqalarda yo‘l-transport infratuzilmasining yetarlicha rivojlanmaganligi o‘quvchilarning vaqti-vaqti bilan mashg‘ulotlarga ommaviy qatnashmasligiga sabab bo‘ldi; 
kasb-hunar kollejlari va ularning o‘quv ustaxonalari o‘quv-laboratoriya uskunalari bilan ta’minlanganligi ilm-fan, ishlab chiqarish texnologiyalari va texnikaning rivojlanishi sur’atlaridan orqada qoldi, kasb-hunar kollejlarining moddiy-texnik jihozlanishi darajasi o‘rtacha 56 foizni tashkil etdi; 
darsliklar va o‘quv qo‘llanmalarini tayyorlash va nashr etish bo‘yicha ishlar samarasiz va o‘z vaqtida moliyalashtirilmasligi kasb-hunar ta’limi tizimini yangi avlod darsliklari va o‘quv qo‘llanmalari bilan ta’minlashda jiddiy ravishda orqada qolishga olib keldi; 
kasb-hunar kollejlaridagi mintaqalarda iqtisodiyot tarmoqlarining real ehtiyojlarini ta’minlamaydigan kadrlar tayyorlashning mavjud tizimi, mehnat bozori kon’yunkturasi va ishlab chiqarish amaliyotini tashkil etish uchun imkoniyatlar mavjudligi hisobga olinmasdan belgilanadigan kasb-hunar kollejlariga qabul qilish kvotalari bitiruvchilarni ishga joylashtirish ko‘rsatkichlariga salbiy ta’sir ko‘rsatdi; 
kasb-hunar kollejlaridagi amalga oshiriladigan o‘quv jarayoni, qo‘llaniladigan o‘quv-normativ hujjatlarning kamchiliklari, kasblarning murakkabligi darajasi hisobga olinmasdan ta’limning yagona muddatlari belgilanishi, ishlab chiqarish amaliyotini tashkil etishdagi kamchiliklar olinadigan bilimlar darajasi pasayishiga va bir qancha yo‘nalishlar bo‘yicha bitiruvchilarga talab pastligiga, o‘qish tugallangandan keyin ish joylarida ularni qo‘shimcha ravishda o‘qitish zarurligiga olib keldi; 
aholi turli toifalarini “Hayot davomida ta’lim olish” prinsipi bo‘yicha kasbga tayyorlash tizimining zaif rivojlanganligi katta yoshdagi aholining salmoqli qismi, shu jumladan, ishga joylashishga muhtoj bo‘lgan yoshlar va nogiron shaxslar mehnat bozorida talab etilmasligiga olib keldi; 
kasb-hunar kollejlarida o‘quv jarayonini tashkil etishga va o‘quvchilarni ma’naviy-axloqiy tarbiyalashga rasmiyatchilik bilan munosabatda bo‘lish, ularning bo‘sh vaqtini tashkil etishning samarasiz mexanizmi mashg‘ulotlarga qatnashish pasayishiga va buning oqibatida ular tomonidan sodir etiladigan huquqbuzarliklar soni ko‘payishiga olib keldi. 
Ushbu sohadagi mavjud muammolarni tizimli hal etish, ilg‘or xorijiy mamlakatlarning tajribasi asosida kasb-hunar ta’limi tizimini tubdan takomillashtirish va rivojlantirish, mavjud kasb-hunar kollejlarining moddiy bazasidan oqilona va maqsadli foydalanishni ta’minlash, shuningdek, tegishli vazirliklar, idoralar, xo‘jalik birlashmalari, tijorat banklari va yirik korxonalarga idoraviy bo‘ysunuvchi kasb-hunar kollejlarida malakali va mehnat bozori talablariga javob beradigan kadrlarni tayyorlash samaradorligini oshirish uchun shart-sharoitlar yaratish, aholi barcha qatlamlarining ehtiyojlarini hisobga olish va bandligini oshirish maqsadida O‘zbekiston Respublikasi Prezidentining “Umumiy o‘rta, o‘rta maxsus va kasb-hunar ta’limi tizimini tubdan takomillashtirish chora-tadbirlari to‘g‘risida”gi Farmoni qabul qilindi. 
Davlatimiz rahbarining “Tibbiy-sanitariya sohasida kadrlarni tayyorlash va uzluksiz kasbiy rivojlantirishning mutlaqo yangi tizimini joriy etish chora-tadbirlari to'g'risida”gi qarori soha rivojida muhim ahamiyat kasb etdi.
Unga ko'ra, tibbiy-sanitariya xodimlarining kasbiy rivojlantirish tizimini yaxshilash, sohada yetuk va chuqur bilimga ega kadrlarni zamonaviy ta'lim standartlari asosida tayyorlash, tibbiyot tashkilotlari, ayniqsa, birlamchi tibbiy-sanitariya yordami muassasalarini professional mutaxassislar bilan ta'minlash, tibbiyot ta'lim muassasalari professor-o'qituvchilarining mavqeini oshirish, shuningdek, 2019–2025 yillarda O'zbekiston Respublikasining sog'liqni saqlash tizimini rivojlantirish konsepsiyasida belgilangan vazifalarni izchil amalga oshirishga alohida e'tibor qaratiladi.
Jumladan, 2020/2021 o'quv yilidan boshlab mamlakatimizning barcha hududlaridan jami 47 ta tibbiyot kollejlari Abu Ali ibn Sino nomidagi Jamoat salomatligi texnikumlari etib qayta tashkil etiladi.
Ushbu texnikumlarning moddiy-texnik bazasini yanada kuchaytirish, o'quv-simulyatsion auditoriyalarni tashkil etish, o'quv reja va fan dasturlarini ilg'or xorijiy tajribalar asosida takomillashtirish, jumladan, valeologiya, tibbiy psixologiya, diyetologiya, kineziologiya, reabilitologiya fani chuqurlashtirilgan holda o'qitish, shuningdek,tibbiyot oliy ta'lim muassasalarining malakali professor-o'qituvchilarini jalb qilgan holda mazkur texnikumlarda masofaviy ta'lim dars mashg'ulotlarini o'tkazish kabi vazifalar ijrosiga alohida e'tibor qaratiladi.
Yana bir ahamiyatli jihati, mazkur texnikumlarni muvaffaqiyatli bitiruvchilari tibbiyot oliy ta'lim muassasalarida imtihonsiz, suhbat orqali bakalavriatning 2-kursidan o'qishni davom ettirish imkoniyatiga ega bo'ladi.