|
NYUKASL KASALLIGI VA UNGA QARSHIKURASH CHORA
TADBIRLARI
Reja: 1. Kasallik qo‘zg‘atuvchisi, kelib chiqish sabablari.
Klinik belgilari, tashxisi, qiyosiy tashxisi, oldini olish va davolash.
Kasallikka qarshi kurash tadbirlari
Mashg‘ulotning maqsadi: Talabalarga Nyukasl kasalligi haqida batafsil tushuntirish beriladi, kasallikka qarshi kurashish tadbirlari o‘rgatiladi.
Kerakli jihozlar. Turli rasmli jadvallar, taqdimotlar, slaydlar, kodoskop, turli xil jadvallar, o‘quv va uslubiy qo‘llanmalardan foydalaniladi.
Mashg‘ulotning borishi: Guruh talabalariga parrandalarning Nyukasl kasalligi to‘g‘risida tushuncha beradi. Kasallikning oldini olish tadbirlarini yozdiradi va ko‘rsatib beradi.
Tayanch iboralari: Parranda, tovuq, Nyukasl kasalligi, kontagioz, qo‘zg‘atuvchi, virus, virion, polimorf, patogenezi, tuxumdor tovuqlar, go‘sht yo‘nalishidagi jo‘jalar, cheklov, dezinfeksiya, profilaktika.
Nyukasl kasalligi - Pseudo pestis avium - Nyukasl kasalligi virus qo‘zg‘atadigan o‘ta kontagioz, o‘tkir kechadigan yuqumli kasallik bo‘lib, septitsemiya, markaziy nerv sistemasi, oshqozon-ichak va nafas a’zolarinrng jarohatlanishi bilan ifodalanadi.
Tarixiy ma’lumot. Kasallik birinchi marta 1926 yilda Kroneveld tomonidan, so‘ngra, 1927 yilda Doyl. 1928 yilda Pikard tomonidan Angliya yaqinida Nyukaslda aniqlandi. 1944-1950 yillarda kasallik dunyoning qator mamlakatlarida uchradi. 1960-1990 yillar mobaynida O‘zbekistonning bir qancha hududlarida qayd qilib kelindi. Hozir ham kasallik mavjud bo‘lib, hatto shaxsiy xo‘jaliklarning tovuqlari qirilib turadi. Olimlardan P. M. Svinsov, N. V. Lixachev, A. Ya. Fomina, T. A. Ferminov, S. P. Agapov, V. N. Syurinlar Nyukasl kasalligini o‘rganish bo‘yicha samarali ish olib bordilar.
166
Virusologlardan G. A. Safonov, G. A. Ivanovlar maxsus profilaktika borasida katta amaliy tadbirni amalga oshirdilar.
Do'stlaringiz bilan baham: |
