Вазиятга ҳуқуқий баҳо беринг

Ушбу вазият юзасидан далолатномани шарҳланг. Сизнингча, бажарилган ишлар буюртмачи томонидан тўлиқ ҳажмда қабул қилиб олинганми? Вазиятга ҳуқуқий баҳо беринг.


15. Икки ёнма-ён жойлашган дала ҳовли эгалари, ўз ер участкаларида баҳорги ва кузги тозалаш ишларини навбатма-навбатма-навбат ўтказишни келишиб олишди. Айни пайтда, Жўраевнинг участкаси Солиевнинг участкасидан икки баравар катта эканлигини ҳисобга олиб, Солиев томонидан ўтказиладиган тозалаш учун, Жўраев энг кам иш ҳақи миқдорида ҳақ тўлаши лозимлиги ҳақида ҳам келишиб олишди.
Дастлабки тозалов ишларини Жўраев амалга оширди, лекин Солиев ўз мажбуриятини бажарганда, Жўраев ҳақ тўлашдан бош тортди ва ўрталаридаги шартнома тузилмаганлигини, бу шунчаки маиший характердаги ҳаракат эканлиги ва юридик кучга эмас эмаслигини айтиб ўтди.
Жўраевнинг фикрлари асослими?


16.Фуқаро Алимов сўнгги русумдаги уяли телефон воситасини харид қилишга қарор қилди ва Интернетдан ўзига ёқадиган телефонни топди. Веб сайтда расми жойлаштирилган ва хусусиятлари батафсил кўрсатилган уяли телефонни сотиб олиш учун ундан халқаро пластик карта рақами ва пин кодни тақдим қилиш зарурлигини ўқиб, ушбу веб сайт ишончли эмас деган хулосага келди. Вазиятга ҳуқуқий баҳо беринг.


17.Фуқаро Солиев уй-жой сотиб олишга қарор қилди. Ўзбекистонда машҳур бўлган веб сайтлардан ўзига ёққан талабларга жавоб берувчи уй-жойни топди. Шундан сўнг, фуқаро Солиев сотувчидан уй-жойга доир ҳужжатларни Интернетга жойлаштиришни ва Интернет орқали шартнома тузишни таклиф қилди. Бунга нисбатан сотувчи эътироз билдириб, уй-жойни Интернет орқали сотиш имконияти йўқлигини билдирди. Вазиятга ҳуқуқий баҳо беринг.


18. Қишлоқ туманида бошланғич нархи 40 000 000 сўм бўлган кўчмас мулк (чорва комплекси) очиқ аукционга қўйилиб, унда 10 дан ортиқ иштирокчилар қатнашдилар. Сотилиш нархи 680 000 000 сўмда тўхтади. Ғолиб билан аукцион ташкилотчиси ўртасида шартнома кучига эга бўлган баённома имзоланди. Бироз муддат ўтгандан сўнг, янги мулкдор судга мурожаат этиб, охирги сумма сотилган объектнинг ҳақиқий ҳолатидан анча “йироқ“ эканлиги, соҳадан бехабар иштирокчиларнинг қатнашуви туфайли нарх “фантастик” суръатда кўтарилганлиги, яна айрим субъектив ҳолатларни асос қилиб, аукцион натижаларини бекор қилиб, уни ҳақиқий эмас деб топишни сўради.