Ventilyasiya xajmining normotiv kattaligini uglerod (IV) oksidining mikdorini xisobga olgan xolda bitta odamga bir soatda
MAKTABGACHA TARBIYA VA KICHIK MAKTAB YOSHIDAGI
Download 1.67 Mb. Pdf ko'rish
|
gigiena
10.5. MAKTABGACHA TARBIYA VA KICHIK MAKTAB YOSHIDAGI BOLALARNING GIGIYENIK TARBIYASI Bola tarbiyasi eng mas'uliyatli, ba'zan esa og'ir, biroq ayni vaqtda oliyjanob va quvonchli vazifa hisoblanadi, bola tarbiyasi bilan ota-onalar, maktabgacha tarbiya muassasalari tarbiyachilari va maktablarning muallimlari shug'ullanadilar. Odam organizmining rivojlanishi uzluksiz jarayonlardan iborat bo'lib, uzoq yillar davom etadi. Shuni unutmaslik kerakki, bola organizmi katta odam organizmining mitti nusxasi emas. To'qimalarining va turli a'zolarining faoliyati ko'p jihatdan katta odamlarnikidan farq qiladi. Bola organizmi muloyim va o'zgaruvchan, uning rivojlanishidagi har bir bosqichda to'qimalar tuzilishi ham, barcha a'zolar faoliyati ham ma'lum darajada o'zgarishlarga uchraydi. Yasli yoshidagi bolalar organizmi tuzilishi va faoliyati jihatidan ancha tez rivojlanadi. Bo'yning tez o'sishi va tana vaznining tez ortishi bilan bir qatorda, miya faoliyati va eng avvalo, katta yarim-sharlar po'stlog'i faoliyati tez takomillashadi. Bola ulg'ayib borgani sari tashqi muhit ta'sirida shartli refleks faoliyati tez takomillashadi. Tashqi muhitning turli agentlari shartli ko'rsatkichlar bo'lib qoladi. Masalan, bola bir ma'lum vaqtda— har 3 soatda ovqatlantirib turilganda vaqt unda shartli signalga aylanadi, umumiy vaziyat ham shartli signal bo'lib qolishi mumkin. Uzoq vaqt davomida, har kuni ma'lum bir vaqtda ochiq havoda uxlatiladigan bola shu vaqt kelganda darrov uxlab qoladi va miriqib, qattiq uxlaydi. Bolalarning jismoniy va aqliy jihatdan me'yonda rivojlanishida kun tartibi katta ahamiyatga ega. Kun tartibi oqilona tuzilganda bolalar charchab qolmaydilar, kun davomida tetik, bardam bo'ladilar, shuningdek, ko'nikma, moslanuvchanlik shakllana boradi. Kun tartibidagi o'zgarishlar— yetarlicha uxlamaslik, aqliy zo'riqish, vaqtida dam olib, vaqtida jismoniy mehnat qilmaslik bolaning toliqib qolishiga sabab bo'ladi. Maktabgacha tarbiya yoshidagi bolalar kun tartibi ularning jismoniy, asabiy va ruhiy xususiyatlarini hisobga olgan holda tuziladi. U uyqu, faol dam olish mashg'ulotlari, ovqatlanishni to'g'ri rejalashtirishdan iborat bo'ladi. Bolalar to'g'ri kun tartibiga rioya qilganlarida serharakat, kayfiyatlari chog' bo'ladi, ishtaha bilan ovqatlanib, darrov uxlab qoladilar. Kun tartibida uyqu katta ahamiyatga ega. Turli yoshdagi bolalarda uyquga ehtiyoj ham turlicha bo'ladi. 3—4 yashar bolalar 12—13 soat uxlashlari kerak (kunduzi ikki soat uxlash ham shunga kiradi). Mashg'ulot o'tkaziladigan joyni to'g'ri yoritish va yorug'lik chap tarafdan tushishi lozim. Ikki o'rinli stollarga yorug'lik to'g'ri tushishi uchun stollar ikki qator qilib qo'yiladi. Kuzatuvlarning ko'rsatishicha, bolalar muassasalarida ham, uyda ham televizor tomosha qilish kun tartibining ma'lum darajada buzilishiga olib keladi va bolalarni charchatadi. Afsuski, televizorni qancha vaqt ko'rish haqidagi tavsiyalar faqat kichik maktab o'quvchilari uchun taalluqlidir. Televizorni haftada 2—3 marta, ko'pi bilan 40—45 daqiqadan ko'rish kerak. Maktabgacha tarbiya yoshidagi bolalar faqat bolalar uchun mo'ljallangan ko'rsatuvlarni ko'rishlari lozim. Bola katta bo'lgani sari mehnat tarbiyasining mazmuni kengayadi. Chunonchi, o'rta guruhlarda ovqatlanadigan stol, tabiat burchagi bo'yicha navbatchi tayinlanadi. Navbatchilar o'z xonalarini yig'ishtirishda qatnashadilar. Ular qo'g'irchoqlar kiyimini o'zlari yuvadilar, quritadilar va dazmollaydilar. Bog'chaning bog'-xo'jalik ishlari bilan tanishtiradilar, qiyinroq bo'lmagan vazifalarni bajarishda ishtirok etadilar. Yer chopishadi, o'toq qilishadi va gullarni sug'orishadi. Maktabgacha tarbiya yoshidagi bolalar tikishning eng oddiy usullarini, ovqat tayyorlashda sodda ko'nikmalarni egallaydilar. Kichik maktab yoshidagi bolalarga kam kuch sarf qilinadigan ishlar topshiriladi, bu ishlar 7—10 daqiqadan oshmasligi lozim. Navbatchilik qilish, yig'ishtirish, uy hayvonlariga qarash ishlari ko'pi bilan 20—30 daqiqani tashkil etadi. Bu ishlar o'yin shaklida o'tkaziladi. Download 1.67 Mb. Do'stlaringiz bilan baham: |
Ma'lumotlar bazasi mualliflik huquqi bilan himoyalangan ©fayllar.org 2024
ma'muriyatiga murojaat qiling
ma'muriyatiga murojaat qiling