World Bank Document
Yoshlarni ish bilan ta’minlash dasturlari va xizmatlarining iqtisodiy samaradorligi haqidagi ma’lumotlar
Download 1.74 Mb. Pdf ko'rish
|
Executive-Summary
- Bu sahifa navigatsiya:
- Hisobotda yoshlarning bandligidagi cheklovlar yaxlit baholangan bo‘lsa‐da, tavsiyalarda mehnat
- Qisqa va o‘rta muddatli istiqbolda
Yoshlarni ish bilan ta’minlash dasturlari va xizmatlarining iqtisodiy samaradorligi haqidagi ma’lumotlar
tarqoq va tugallanmagan. Ko‘pchilik dasturlar uchun arizalar soni, arizalarning qabul qilinishi yoki rad etilishining sababi, sarf‐xarajatlarning asl qiymati kabi dastur monitoringining asosiy ko‘rsatkichlari tayyor holda mavjud emas. Bizning ma’lumotimizga ko‘ra, bandlikni ta’minlash dasturlari natijadagi bandlik holati (6, 12, 24 oy), ishning sifati va xususiyatlari hamda ish haqi darajasi kabi natijalarni baholamaydi. Dasturning asosiy ko‘rsatkichlari to‘g‘risida aniq va shaffof ma’lumotlar yo‘q bo‘lgan holda, dasturlar qay darajada ehtiyojmand yoshlar guruhlariga moslashtirilganligini baholash, muvaffaqiyat qozongan dasturlarni takomillashtirish va samarasiz dasturlarni to‘xtatish usullarini bilish qiyin. Hisobotda yoshlarning bandligidagi cheklovlar yaxlit baholangan bo‘lsa‐da, tavsiyalarda mehnat bozorining yoshlarga tegishli bo‘lgan institutlari, qoidalari va taklifni kuchaytirishga e’tibor qaratilgan. Yoshlarning ishga joylashishi, aynan yoshlar duch keladigan cheklovlar va O‘zbekistonda mavjud bo‘lgan mehnat bozori siyosati tahlili yoshlar uchun mehnat bozoridagi natijalarni yaxshilash bo‘yicha siyosiy choralarning umumiy va aniq yo‘nalishlarini ko'rsatadi. Mavjud siyosat va dasturlarning muammolari va kamchiliklarini bartaraf etish uchun yoshlarni ish bilan ta’minlash siyosatining qisqa va uzoq muddatli istiqbollari bo‘yicha yo‘l xaritasi taklif etiladi. Maqsad ‐ keng ko‘lamli va ko‘p tarmoqli ish o'rinlarini ishlab chiqish emas, balki yoshlarning maktabdan mehnat bozoriga o‘tishiga yordam beradigan siyosatning o‘ziga xos jihatlariga e‘tibor qaratish. Qisqa va o‘rta muddatli istiqbolda (i) (mavjud iqtisodiy samaradorlik asosida) ish haqini subsidiyalash va shogirdlik kabi mavjud FMBDni baholash, isloh qilish va kengaytirish zarurati mavjud; (ii) yoshlar ehtiyojlari va xalqaro tajribaga asoslangan holda yoshlarni tadbirkorlik ko‘nikmalari bilan ta’minlash va boshlang‘ich kapitalni kengaytirish orqali yoshlar tadbirkorligini qo‘llab‐quvvatlash; (iii) raqamli 12 ko‘nikmalarni maktab va KHT markazlarida joriy etish orqali ularning rivojlanishini qo‘llab ‐quvvatlash; (iv) talab yuqori bo‘lgan ko‘nikma va kasblarning yaxshiroq diagnostikasini ta’minlash, hamda talabalar va ish izlayotgan yoshlarga ta’lim va mehnat bozori haqidagi ma’lumotlarni taqdim etish; (v) yoshga mos kasbga yo‘naltirish mexanizmlarini institutlashtirish; (vi) yosh ayollarning ishga joylashishida va o‘z‐o‘zini band qilishda faol ishtirokini rag‘batlantirish uchun axborot kampaniyalari va rol modellarini ishlab chiqish, bolalarni parvarish qilish bo‘yicha xizmatlar ko‘rsatishni kuchaytirish va mehnat sharoitlarini yanada moslashuvchan tartibga solish; (vii) tarmoqlar va mintaqalar bo‘yicha kasbiy va mehnat almashinuvi to‘siqlarini olib tashlash uchun normativ islohotlarni ilgari surish; (viii) uyushgan (xavfsiz va samarali) mehnat migratsiyasini yengillashtirish; va (ix) aholi bandligiga ko‘maklashish xizmatlari va dasturlari to‘g‘risida xabardorlikni oshirish. Download 1.74 Mb. Do'stlaringiz bilan baham: |
Ma'lumotlar bazasi mualliflik huquqi bilan himoyalangan ©fayllar.org 2024
ma'muriyatiga murojaat qiling
ma'muriyatiga murojaat qiling