X seytkamalov, U. Jaksimova

ILIMIY BAYANAT 
Oqıw orınlarında keń qollanılatuǵın ózbetinshe jumıslardıń taǵı bir túri bayanat 
bolıp tabıladı. Bayanatqa: 1. Jıynalıs qatnasıwshıları ushın arnalǵan anıq temadaǵı 

---

informaciya, lekciya; 2. Studentlerdiń ózbetinshe jumıs túri; 3. Ilimiy jumıs túri 
retinde qaraw múmkin. 
Studentler bayanattı ózbetinshe jumıs túri retinde seminar sabaqlarına tayarlap 
keliwi múmkin. Bayanattı ádebiyatlardı úyrenip, saylanǵan temaǵa tereń jandasıp, 
óziniń baqlaǵanların islete bilgen halda tayarlawı kerek. 
Ilimiy bayanat tayarlaw procesinde student ádebiyatlar menen islew, túrli 
dereklerden alǵan materialların ulıwmalastırıw, óz pikirin jazba túrde ańlatıwǵa 
úyrenedi. 
Ilimiy bayanat jazıw ushın student dáslep pándi teoriyalıq tárepten puqta 
ózlestiriwi kerek. Tańlap alınǵan temanı sáwlelendiriw ushın kirisiw, 3-4 soraw 
qoyıladı hám juwmaq beriledi. Dáliller, statistikalıq maǵlıwmatlar toplanadı. 
Analizlenip atırǵan másele boyınsha ámeldegi pikirler, kózqaraslar bayanlanadı. 
Student olarǵa óz kózqarasın bildiredi. 
Ilimiy bayanat kóp tárepten kurs jumısına qoyılǵan talaplar menen birdey hám 
sol tártipte jazıladı. Tek ilimiy bayanat saylanǵan temanı kurs jumısına qaraǵanda 
da tereńirek úyreniw, dáliller, statistikalıq maǵlıwmatlar toplaw, olar tiykarında 
zárúr ekonomikalıq kórsetkishlerdi esaplaw, olardı analiz etiw, juwmaq shıǵarıw 
hám de óz usınısların bayanlaw menen ajıralıp turadı. Basqasha aytqanda, kognitiv
yaǵnıy biliwdiń eń joqarı bahalaw dárejesinde pikir júritiledi. 
Filologiyalıq hám social pánlerden ilimiy bayanat tayarlaǵanda teoriyalıq 
bilimlerdi ámeliyat menen baylanıstırıwǵa, ekonomikanıń qandayda baǵdarı 
boyınsha, ondaǵı mashqalalardı úyreniwdiń nátiyjesi retinde ámeliy usınıslar 
beriliwi kerek. 
Ilimiy bayanat jazıw qatań logikalıq izbe-izlikti, sabır-taqat, qızıǵıwshılıqtı 
talap etedi. Solay etip, ilimiy bayanat, bir tárepten, ilimiy islerdiń juwmaǵı retinde
óz ústinde islewleri, izertlewlerine juwmaq jasasa, ekinshi tárepten, olardı jáne de 
jańa izlenislerde umtıldıradı, dúnya qarasınıń rawajlanıwı, óz iskerligin anıq 
maqsetke baǵdarlawǵa, jáne de tereńrek bilim alıw, óz ústinde islewge, 
dóretiwshilik pikirlew, ilimiy izertlewge, pikirin logikalıq izbe-izlikte awızsha hám
jazba túrde bayanlawǵa úyretedi. 
Hár bir ilimiy bayanatta: 
1. Titul beti
2. Joba. 
3. Jumıstıń jazba forması. 

---

 4. Paydalanılǵan derekler hám ádebiyatlar dizimi. 
5. Qosımshalar keltiriwi kerek. 
Ilimiy bayanat oqıtıwshıǵa tapsırıladı hám ball tiykarında bahalanadı. 
Onnan tısqarı ilimiy bayanattı seminar sabaǵında qorǵaw da múmkin. 
Bahalaw reyting kestesi tiykarında ámelge asırıladı. Ózbetinshe jumıs jazıw zárúrli 
iskerlik esaplanıp, qanaatlandırarsız bahalanǵan ilimiy bayanat qaytadan 
tayarlanıwı kerek.