X seytkamalov, U. Jaksimova

ÓZBETINSHE JUMÍSLAR USHÍN QOSÍMSHA TAPSÍRMALAR 
 Kórgizbeli qurallar tayarlaw. Studentke arnawlı bir temanı bayanlaw hám
jaqsı ózlestiriw ushın járdem beretuǵın kórgizbeli materiallar (kesteler, sızılmalar, 
súwretler, háreketler, maketler, modeller, grafikler, úlgiler hám t.b.) tayarlaw 
tapsırıladı. Tema oqıtıwshı tárepinen anıqlanıp, studentke anıq kórsetpeler, jol-
jobalar beriledi. Kórgizbeli qurallardıń muǵdarı, forması hám mazmunı student 
tárepinen erkin saylanadı. Bunday wazıypanı bir tema boyınsha bir neshe studentke 
tapsırıw da múmkin. 
Tema boyınsha testler, tartıslı sorawlar hám tapsırmalar tayarlaw. Studentge 
arnawlı bir tema boyınsha testler, qıyınshılıq dárejesi hár qıylı bolǵan máseleler 
hám tapsırmalar, tartısqa tiykar bolatuǵın sorawlar dúziw tapsırıladı. 
Konspekt jazıw. Ózbetinshe atqarılatuǵın jumıslardan biri ilimiy ádebiyatlardı 
yamasa oqıw ádebiyatların konspekt jazıw bolıp tabıladı. Konspekt jazıw- 
studenttiń pándi ózlestiriwi ushın úlken járdem beredi. Lekin studentler konspekt 
jazıwdı tuwrıdan - tuwrı kóshiriw dep túsinbewi kerek. 
ÓZBETINSHE JUMÍSTÍ ORÍNLAW BOYÍNSHA USÍNÍSLAR 
Kafedradaǵı pánlerdiń ózgesheliklerinen kelip shıǵıp studentler ózbetinshe 
jumıs formaların erkin tańlawı múmkin. Tapsırmalar puqta oylap, islep shıǵılǵan 
hám anıq maqsetke baǵdarlanǵan bolıwı, studentlerdiń auditoriya sabaqlarında 
alǵan bilimlerin bekkemlew, tereńlestiriw, keńeytiw hám tolıqtırıwǵa xızmet etedi. 
Sabaqlıq yamasa oqıw qollanbalar, tarqatpa materiallar boyınsha pánler baplar 
hám temalardı úyreniw, konspekt islewde temanıń tiykarǵı mazmunın ańlatıw hám 
ashıp beriwge xızmet etetuǵın tayansh sóz dizbekleri, temanı sistemalı bayanlawǵa 
xızmet etetuǵın sorawlarǵa itibar qaratıw, tiykarǵı ádebiyatlar hám informaciya 
dereklerin kórsetiw kerek. 

---

Tapsırmanı orınlaw procesinde studentler erkin túrde pánge tiyisli oqıw 
ádebiyatlarınan paydalanıp temanı konspekt isleydi, tayansh sóz dizbekleriniń 
mánisin ańlaǵan halda temaǵa tiyisli sorawlarǵa juwap tayarlaydı. 
Temanı bayan etiw ushın sabaq procesindegi joba tiykarında hám oǵan 
qoshımsha etken halda konspekt jazıwı kerek. Sonıń menen birge, tema tiyisli 
tayansh sózler hám olarǵa túsindirme beretuǵın glossariylerden dúziliwi kerek. 
Tayansh sózler sanı temanıń kóleminen kelip shıqqan halda 15 ten kem bolmawı 
tiyis. Tapsırma sońında paydalanılatuǵın ádebiyatlar dizimi hám internet saytları 
tártibi boyınsha beriliwi kerek. Zárúr jaǵdaylarda (ózlestiriw qıyın bolsa, sorawlar 
payda bolsa, ádebiyatlar jetispese, temanı sistemalı bayan ete almasa h.t.b.) 
oqıtıwshıdan máslahát aladı. 
Ózbetinshe jumıs nátiyjeliligin asırıw ushın eń dáslep ózbetinshe tálimge 
ajıratılǵan saattı kóbeytiw kerek. Oqıtıwshı studentlerdi ózbetinshe jumıslardı 
orınlawǵa baǵdarlawı ushın mamanlıǵın asırıw kerek, oqıtıwshılar ózbetinshe 
jumıstı nátiyjeli shólkemlestiriwi hám studentlerdi ózbetinshe jumıslardı orınlawǵa 
psixologiyalıq jaqtan tayarlawı tiyis. 
Bizge belgili, rawajlanǵan mámleketler tájiriybesinde tálim krediti saatlar 
tiykarında alıp barıladı. Studentlerdiń ózbetinshe jumısı rásmiy túrde kredit 
saatlarǵa kiritilmeydi hám qadaǵalanbaydı, sebebi texnikalıq tárepten qadaǵalawdı 
ámelge asırıw júdá qıyın. Lekin hár bir kredit saatına 2 saattan ózbetinshe jumıs 
jobalastırıladı hám studentler tárepinen atqarıladı.