Xalq deputatlari viloyat, tuman, shahar kengashining namunaviy reglamenti hamda xalq deputatlari viloyat, tuman, shahar kengashining doimiy komissiyalari to

72-modda. Hokimning hisoboti bo‘yicha qarorning ijro etilishini nazorat qilish mas’ul doimiy
komissiya zimmasiga yuklatiladi.
73-modda. Hokimning hisoboti bo‘yicha mahalliy Kengash qarori va hokimning hisoboti
mahalliy davlat hokimiyati organining rasmiy nashrlarida hamda veb-saytlarida e’lon qilinishi shart.
74-modda. Mas’ul doimiy komissiya hokimning hisoboti bo‘yicha mahalliy Kengash qarori ijro
etilishini monitoring qiladi va qarorda belgilangan muddatlarda mahalliy Kengashni xabardor
qiladi.
IX bob. Mahalliy davlat boshqaruvi organlari rahbarlarining hisobot va axborotlarini mahalliy
Kengash tomonidan eshitish tartibi
75-modda. O‘zbekiston Respublikasining “Mahalliy davlat hokimiyati to‘g‘risida”gi 
Qonuniga
va boshqa qonunlariga, O‘zbekiston Respublikasi Prezidentining farmon va qarorlariga ko‘ra

---

mahalliy Kengash mahalliy davlat boshqaruvi organlari rahbarlarining hisobot va axborotlarini
eshitib boradi.
76-modda. Mahalliy davlat boshqaruvi organi tomonidan hisobot (axborot)ga doir materiallar
mahalliy Kengashning tegishli doimiy komissiyasiga imzolangan hamda elektron shaklda taqdim
etiladi.
77-modda. Tegishli doimiy komissiya hisobot (axborot)ni komissiya majlisida mahalliy davlat
boshqaruvi organi rahbari ishtirokida muhokama qiladi hamda doimiy komissiyaning xulosasi va
mahalliy Kengash qarori loyihasini tayyorlaydi.
78-modda. Hisobot (axborot)ni eshitish to‘g‘risidagi masalani tayyorlash va sessiya
muhokamasiga kiritish tegishli doimiy komissiya tomonidan amalga oshiriladi.
79-modda. Hisobot (axborot) bo‘yicha materiallarni puxta tayyorlash maqsadida tegishli
doimiy komissiya tomonidan soha mutaxassislarini jalb etgan holda ishchi guruh tashkil etilishi
mumkin.
80-modda. Sessiyada mahalliy davlat boshqaruvi organi rahbarining hisoboti (axboroti)ni
eshitish uchun ma’ruzachi bilan kelishilgan holda 20 daqiqagacha vaqt beriladi.
Hisobot (axborot) bo‘yicha mas’ul doimiy komissiya xulosasining mazmunini va mahalliy
Kengash qarori loyihasining asosiy qoidalarini bayon etish maqsadida doimiy komissiya raisiga 10
daqiqagacha vaqt beriladi.
Deputatlarga ma’ruzachiga savol berishi uchun 3 daqiqagacha, hisobot bo‘yicha muzokaralar
uchun 5 daqiqagacha vaqt beriladi.
81-modda. Hisobot (axborot) bo‘yicha mahalliy Kengash qarori va hisobot (axborot) mahalliy
davlat hokimiyati organining rasmiy nashrlarida hamda veb-saytlarida e’lon qilinishi mumkin.