Xiyonat razolat jaholatgacha, Bir qadam qo'ysangiz darrov yetgulik, Insoniy fazilat ibodatgacha, Bazan umr kamlik qilar, jazm etgulik. Vaqt

Ketmoqdaman…
Ketmoqdaman olislarga ketmoqdaman
Sensizlikni o‘zimga do‘st tutmoqdaman
Lekin qalbim tub tubida bitta o‘tinch
Seni yana, bir kelar deb kutmoqdaman
Xato qildimmikan senga ko‘nggil berib
Bag‘ritoshim qalbingga yo‘l topolmadim
To‘g‘ri sevib yurardirman qaddim kerib
Lek yolg‘izlik botqog‘idan chiqolmadim
Vaqt o‘tyapti shamoldayin yelib yelib
Bir kelmading axvolimni tayin bilib
Mayli baxtli bo‘lsang bo‘ldi yurgin kulib
Sensizlikka mahkum bo‘lib ketmoqdaman

Ota ona…
Uyga bormay qo‘ydim ishlar ko‘paydi
Xar kun tashvish xo‘p yumushlar ko‘paydi.
Vaqt topolmay qoldim ota onamga.
Tushunarlar xar kun meni eslaydi.
Derlar o‘g‘lim dunyo g‘ami bitmaydi
Ishlamasang to‘g‘ri kuning o‘tmaydi.
Bir bor kelgin kel yonimga dilbandim.
Vaqt xakamdir umr kutib turmaydi.
Kelgin bolam diydoringa bir to‘yay
Farzandlaring erkalayin bir suyay.
Jonim bolam sen jonimni payvandi
Sening bolang mening borim dilbandim.
Mag‘zi shirin degan gap bor elimda
Sen uchun bir gap bor meni dilimda.
Kel yonimga kel jonimga farzandim.
Sensiz tongim otmayapti dilbandim
Men o‘yladim otam onam bor ollox
O‘zing asra o‘zing bo‘lgin sen panox
Men boraman ota onam yoniga
Quvonch beray men deb chekkan joniga
Surur berib xar soniya damiga
Davo topay tashvishiga kamiga.
O‘zing umr o‘zing baxt ber olloxim
Imkon bergin sog‘lik shaxd ber olloxim
Men berayin topolmagan baxtini
Ko‘rsatayin butun dunyo shavqini
Yuz yoshda ham zavqu shavqqa to‘lsinlar
Omon bo‘lib davru davron sursinlar
So‘ngi so‘zim aytay yoru do‘stlarga
Yakun beray bazi kamu ko‘stlarga
Otam tog‘im deb suyandik
Onam bog‘im deb suyandik
Navbat bizga kelganida
Ular asoga suyandi
Qadr bergan mehr bergan
Biz uchun ko‘p jabr ko‘rgan
Avaylab xop yuksaltirgan
Ul zotlarni asraylik.

*****
Ko'zlardan uyqu qochdi

Muhabbat bag'rin ochdi
Dildan xalovat o'chdi
Sen kelmading.
Sog'inchlar g'amni quvdi
Azobli damni quvdi
Yoshlarim yuzim yuvdi
Sen kelmading
Ishq mayidan totaman
Xar kun seni kutaman
Sensiz qonlar yutaman
Sen kelmading.
Seni o'ylab ovinaman
Rashk o'tida to'lg'onaman
Xammadan man qizg'onaman
Sen kelmading...