Yangi davr pedagogik konsepsiyasining xususiyatlari va istiqbollari

I. Pedagogika fani metodologik g‘oyalarining takomillashuvi:
1. Totalitar tuzum davrida o‘rganilishi man etilgan milliy-pedagogik qarashlarning o‘rganilishi va pedagogik qarashlarning o‘rganilishi va pedagogika faniga olib kirilishi.
2. Ijtimoiy-g‘oyaviy, iqtisodiy va madaniy taraqqiyotda yetakchi o‘rin tutuvchi g‘oyalarning pedagogik qarashlarida o‘z ifodasini topishi.
II. Pedagogik bilimlar ijtimoiy-g‘oyaviy asoslarning boyishi:
1. Ta’lim mazmunida milliy istiqlol g‘oyasi va mafkurasi asoslari, insonparvarlik va demokratik qarashlarning aks etishi.
2. Milliy-madaniy meros namunalaridan foydalanish, milliy va umuminsoniy qadriyatlar uyg‘unligiga erishish asosida yosh avlodni milliy ruhda tarbiyalash.⁶⁶
III. Shaxsni ijtimoiylashtirish:
1. Erkin, mustaqil fikrlovchi, ijodkor, ijtimoiy faol shaxsni tarbiyalash.
2. Ijtimoiy tarbiyaning barcha yo‘nalishlarida davr talabi va ijtimoiy-pedagogik zaruriyatdan kelib chiqqan holda tarbiyani tashkil etish.
3. Shaxsda eng yuksak ma’naviy-axloqiy sifatlar (keng dunyoqarash, qat’iy xarakter, mustahkam iroda, vatanparvarlik, tolerantlik, mehnatsevarlik, ijtimoiy faollik, qat’iyatlilik, fidoiylik, bardoshlilik, ma’naviy-ahloqiy (huquqiy, ekologik, estetik, jinsiy va hokazo) madaniyat, aqliy qobiliyat va boshqalar)ni shakllantirish.
4. Yosh avlodda ijtimoiy munosabatlar, mehnat hamda ishlab chiqarish jarayonini tashkil etishga nisbatan ma’suliyat hissini tarbiyalash.
IV. Yangicha ta’limiy qarashlarning rivojlanishi:
1. Takomillashgan hamda malakali kadrlar tayyorlashda tayanch o‘rin tutuvchi uzluksiz ta’lim tizimining shakllanishi.
2. Yangi turdagi ta’lim muassasalari faoliyatining yo‘lga qo‘yilishi .
3. Ta’limni tashkil etishga nisbatan noan’anaviy yondashuv.
4. Ta’lim jarayonida ta’lim oluvchi (o‘quvchi) shaxsining yetakchi o‘rin tutishi.
5. Yangi o‘quv predmeti va o‘quv kurslarini o‘qitishning yo‘lga qo‘yilishi.
6. Hamkorlik ta’limi va mustaqil ta’limning ommalashuvi.
7. Ta’lim jarayonini tashkil etish, nazorat qilish va boshqarishga nisbatan yangicha qarashlarning shakllanishi (ta’lim tizimida psixologik xizmatning yo‘lga qo‘yilishi, reyting tizimning joriy etilishi, ta’lim menejmenti va monitoringining yo‘lga qo‘yilishi).⁶⁷