Yuqoridagilarni inobatga olib, qorako‘lchilik tarmog‘ini davlat tomonidan qo‘llab-quvvatlash

V. Tajribaning iqtisodiy samaradorligi.
Har qanday tadqiqot ishi natijasi iqtisodiy samaradorlik bilan yakunlanadi.
Mazkur, bitiruv ishi qorako‘l qo‘ylarning jun mahsuldorligini o‘rganishga bog‘ishlanganligi sababli qora, sur va oq rangli qo‘ylar tirik qo‘ylar junini etishtirishning iqtisodiy samaradorligi umum qabul qilingan qoidalar asosida hisoblanadi.
Tajriba uchun ajratilgan turli rangli qo‘ylardan qirqib olingan junning tannarxini xo‘jalik hisopchisidan olindi. Sur va oq rangdagi qo‘ylar junini sotish bahorda yuqori bo‘ladi. Chunki, yapog‘ilarining biroz qismi oqishdir va oq rangda bo‘ladi. Oq rangdagi yapog‘ilarning xarid narxi sur rangdagi va qora rangdagi yapog‘ilarnikidan biroz yuqori bo‘ladi.
Qo‘ylar jun mahsuldorligining iqtisodiy samaradorligi hisoblash natijalari quyidagi jadvalda ko‘rsatilgan.


8-jadval
Turli rangli qo‘ylar jun mahsuldorligining iqtisodiy samaradorligi

Rang guruhi bo‘yicha	Bosh soni	Jun miqdori, g	Mahsulot tannarxi		Sotishning bahosi		Olingan foyda(+) zarar(-)	Daromadning darajasi
			1 kg mahsulot	Jami	Mahsulot birligi	Jami
Oq	15	1396,2	900	1256580	1300	1815060	558480	44.4
Sur	15	1344,1	900	1209690	1200	1612920	403230	33.3
Qora	15	1213,8	900	1092420	1100	1335180	242760	22.2

Yuqoridagi jadval ma’lumotlaridan ko‘rinib turibdiki, oq rangli qo‘ylar juni biroz yuqoriroq narxga ega bo‘lgan, shu tufayli ham ulardan olinishi mumkin bo‘lgan shartli daromad summasi nisbatan ko‘proq, ya’ni iqtisodiy samaradorligi 44.4 foizni tashkil qilgan. Sur rangli qo‘ylarning jun mahsuldorligi bo‘yicha iqtisodiy samaradorlik 33.3 va qora ranglilarida 22.2 foizni tashkil qilgan.
Xulosa o‘rnida shuni aytish mumkinki, qo‘y junidan sifatli mahsulot ishlab chiqarish yo‘lga qo‘yilsa, o‘z-ozidan junga bo‘lgan talab oshib uning iqtisodiy samaradorligi ham yuqori bo‘ladi.