Заки достонлари

2. Узунлик ўлчови учун ишлатиладиган нумератив сўзлар: 
газ (А.i=4), қулоч (А.i=8), қарич (А.i=3; Р.i=2), қари (А.i=1; Р.i=2), 
таноб (А.i=1; Р.i=1), тош, қадим (А.i=5) каби. Масалан: Бозор яқин, 
мана келдинг, ярим тош қолди-да,...(Рав.29). ...тўп-тўпхонасини 
судратиб, байроғини ярқиллатиб, ҳар ўн тошда бир лашкарни 
тўхтатиб, қинғир чол қошига етиб келдилар (Ой.44). Анча йўлга 
бориб тушди Кўкдўнон // қирқ минг қадим ўтиб кетди Бойчибор 
(Алп.149). Қирқ қулоч зиндонни қазиб бўлинглар // Катта-кичик 
баринг ўрнаб кўринглар (Алп.226). Олтмиш қари олачадан қалпоғи // 
Тўқсон қўйнинг терисидан телпаги (Алп.160). ...иягининг ўртасида 
битта туки бор экан, у ҳам бир қарич бўлиб ўсган, бу ёлғиз соқолга 
қимматбаҳо тошлардан тешиб осган (Рав.40). Тўрт минг газ кўтарил 
Мансурнинг дори //Отганда етмасин даллод арқони! (Рус.386). 
Чақирим - 1,06 километрга, тош - саккиз чақиримга, газ - 0,71 
метрга тенг узунлик ўлчовини ифодалайди. С.Низомиддинова 
ёзишича, «тош, чақирим сўзлари конкрет миқдор ифодаламайди, 
тош, чақирим сўзлари диалектларда ҳар хил миқдорни 
ифодалайди
86
». 
3. Тўдалаб, гуруҳлаб кўрсатувчи нумератив сўзлар: тўда 
(А.i=2;Р.i=3), гала (А.i=2), тўп (А.i=2;Р.i=3), даста (А.i=6;Р.i=4), 
байдоқ (А.i=4). 
Тўп - шахс ёки қуш-ҳайвонлар гуруҳини кўрсатади: Бир тўп 
карвон қўнғирот бетдан келади // Юк ташлашиб тоққа карвон қўнади 
(Алп.309). Равшанбек отини ҳайдаб йўртиб, дўнгнинг устига чиқиб 
қараса, бир тўп бари ўзидан ёш, хушрўй йигит, барининг қўлида бир 
лаганча тилласи бор (Рав.27).