Zbekiston respublikasi favqulodda vaziyatlar vazirligi akademiyasi

3. O‘zbekistonda yoshlarga oid davlat siyosatining strategik yo‘nalashilari.

O‘zbekistonda Respublikasi Prezidenti Sh.M.Mirziyoev tomonidan mamlakatda fuqarolik jamiyati qurishning “Xalq davlat idoralariga emas, balki davlat idoralari xalqimizga xizmat qilishi kerak” degan g‘oyasi asosida boshlangan islohotlar natijasida yoshlarni ijtimoiy-iqtisodiy jihatlardan himoyalash, ularning salohiyatini ro‘yobga chiqarish islohotlardagi ishtiroklarini faollashtirish davlat siyosatining eng ustivor yo‘nalishi sifatida e’lon qilingan.

Ana shu ustivor yo‘nalishni amalda ro‘yobga chiqishi bu 2016-yil
14-sentabrida qabul qilingan O‘zbekiston Respublikasining “Yoshlarga oid davlat siyosati to‘g‘risida”gi Qonuni bo‘ldi.
Ushbu Qonun 4 ta bob, 33 ta moddadan iborat.
U oldingi qonundan fuqarolik jamiyati talblariga javob berishi, yoshlarni ijtimoiy himoyalashga qaratilgani bilan ajralib turadi.
Qonunda ishlatilgan tushunchalarga quyidagi ta’riflar berilgan:
Yoshlarga oid davlat siyosati- davlat tomonidan amalga oshiriladigan hamda yoshlarni ijtimoiy jihatdan shakllantirish va ularning intellektual, ijodiy va boshqa yo‘nalishdagi salohiyatini kamol toptirish uchun shart-sharoitlar yaratilishini nazarda tutadigan ijtimoiy-iqtisodiy, tashkiliy va huquqiy chora-tadbirlar tizimi ;
yoshlar(yosh fuqarolar)-14 yoshga to‘lgan va 30 yoshdan oshmagan shaxslar;
yosh oila-er-xotinning ikkisi ham o‘ttiz yoshdan oshmagan oila yoxud farzand (bola) tarbiyalab voyaga yetkazayotgan 30 yoshdan oshmagan yolg‘iz otadan yoki yolg‘iz onadan iborat bo‘lgan oila, shu jumladan nikohdan ajralgan, beva erkak(beva ayol);
yosh mutaxassis-oliy yoki o‘rta maxsus, kasb-hunar ta’limi muassasini bitirgan, ta’lim muassasini bitirgandan so‘ng olgan ixtisosligi bo‘yicha uch yil ishga kirgan va ma’lumoti to‘g‘risidagi hujjatda ko‘rsatilgan ixtisosligi bo‘yicha ishlayotganiga 3 yildan ko‘p bo‘lmagan 30 yoshdan oshmagan xodim;
yoshlar tadbirkorligi-yuridik shaxs tashkil etmagan holda yosh fuqarolar tomonidan, shuningdek ta’sischilari yosh fuqarolar bo‘lgan yuridik shaxslar tomonidan amalga oshiriladigan tadbirkorlik faoliyati.
Qonuning 5-moddasida yoshlarga oid siyosatning asosiy yo‘nalishlari o‘zida insoniy va demokratik jihatlar mujassamlashtirgani bilan ajralib turadi:
- yoshlarning huquqlari, erkinliklari va qonuniy manfaatlarini ta’minlash;
- yoshlarning hayoti va sog‘lig‘ini saqlash;
- yoshlarning ma’naviy, intellektual, jismoniy va axloqiy jihatdan kamol topishiga ko‘maklashish;
- yoshlar uchun ochiq va sifatli ta’limni ta’minlash;
- yoshlarni ishga joylashtirish va ularning bandligi uchun shart-sharoitlar yaratish;
- yoshlarni vatanparvarlik, fuqarolik tuyg‘usi, bag‘rikenglik, qonunlarga, milliy va umuminsoniy qadriyatlarga hurmat ruhida, zararli ta’sirlar va oqimlarga qarshi tura oladigan, hayotga bo‘lgan qat’iy ishonch va qarashlarga ega qilib tarbiyalash;
- yoshlarni axloqiy negizlarni buzishga olib keladigan xatti-harakatlardan, terrorizm va diniy ekstremizm, separatizm, fundamentalizm, zo‘ravonlik va shafqatsizlik g‘oyalaridan himoya qilish;
- yoshlarning huquqiy ongi va huquqiy madaniyati darajasini yuksaltirish;
- iqtidorli va iste’dodli yoshlarni qo‘llab-quvvatlash hamda rag‘batlantirish;
- yoshlar tadbirkorligini rivojlantirish uchun shart-sharoitlar yaratish;
- yoshlarda sog‘lom turmush tarziga intilishni shakllantirish, shuningdek yoshlarning bo‘sh -vaqtlarini mazmunli tashkil etish va yoshlar sportini ommaviy rivojlantirish uchun shart-sharoitlar yaratish;
- yosh oilalarni ma’naviy va moddiy jihatdan qo‘llab-quvvatlash, ular uchun munosib uy-joy va ijtimoiy-maishiy sharoitlarni yaratish bo‘yicha kompleks chora-tadbirlar tizimini amalga oshirish;
- yoshlarning huquqlari va erkinliklarini ro‘yobga chiqarish sohasida faoliyatni amalga oshiruvchi xalqaro tashkilotlar bilan hamkorlikni rivojlantirishdan iborat.
Bu yo‘nalishdagi islohotlarning mantiqiy davomi 2019-yil 20-mart kuni O‘zbekiston Respublikasi Prezidenti Sh.M.Mirziyoev tomonidan “Yoshlarni ma’naviyatini yuksaltirish va ularning bo‘sh vaqtini mazmuni tashkil etish bo‘yicha 5 ta tashabbus” e’lon qilinishi bo‘ldi.
Ular quyidagilardan iborat: