Ўзбекистон республикаси олий ва ўрта махсус таълим вазирлиги бухоро давлат университети кимё-биология факультети

Кумуш тетрафтороборат

Кумуш фториднинг бензолдаги суспензиясига қаттиқ модданинг ҳаммаси эриб кетгунча бор трифторид юборилади. Эримаган кумуш фторид чўкмаси фильтрланади, эритма вакуумда буғлатиш йўли билан концентрланади. Бунда Ag [BF₄]·(C₆H_6­)₂ кристаллари чўкади.
Бензол 1 мм сим.уст. босимда ва 50⁰С ҳайдалади; тоза Ag [BF₄]
қолади.
Ag[BF₄] оқ кристалл кукун, ёруғликга сезгир, жуда гигроскопик. Ag [BF₄] пентан остида сақланади.
Калий тетрафтороаргентат К [AgF₄]
Қиздирилган корунд идишдаги KCl+AgNO₃ ёки KNO₃+AgNO₃ аралашмаси устидан 200-400⁰С ҳароратда эркин фтор юборилади.
К [AgF₄] сувга ўта сезгир сариқ модда .
Кумуш 12- ванадофосфат
Ag₇(PV₁₂O₃₆)·nH₂O
30, 5 г NaVO₃ қиздирилган ҳолда 200 мл сувда эритилади, 18,7 г Na₂HPO₄·2H₂O эса 80 мл иссиқ сувда эритилади. Иккала эритма битта колбага қуйилади ва аралаштириб турган ҳолда томчилатиб 26,2 мл концентрланган нитрат кислота қўшилади. Ҳосил бўлган тўқ-қизил эритма 330 мл ҳажмгача сув билан суюлтирилади.
42,5 г AgNO₃ 660 мл сувда эритилади ва эритма шиддат билан аралаштириб турган ҳолда томчилатиб ванадат- фосфат эритмасига қўшилади. Тушган кумушсимон туз фильтрланади ва вакуум-эксикаторда P₄O₁₀ устида қуритилади. Унум 33 г.
Маъсулот жигар ранг –қора кристаллар, сувда ёмон эрийди.

7. КУМУШ КАТИОНИГА ХОС СИФАТ РЕАКЦИЯЛАР

Ион	Реагент	Реакциянинг молекуляр ва ионли тенгламаси	Илова
Ag^+	HCl	AgNO3+HCl=↓AgCl+HNO3 Ag^++ NO3^-+H^++Cl^-=↓AgCl+H^++ NO3^- Ag^++Cl^-=↓AgCl	Оқ чўкма, ортиқча аммиакда эрийди
	KJ	AgNO3+KJ=↓AgJ+KNO3 Ag^+ +NO3+K^++J^-=↓AgJ+K^++NO3^- Ag^+ +J^-=↓AgJ	Сариқ чўкма, Na2S2O3 да эрийди
	K2CrO4	2AgNO3+ K2CrO4=↓AgCrO4+2K^++NO3^- 2Ag +NO^3-+2K+CrO4^2-=↓AgCrO4+2K^++NO3^- 2Ag +CrO4^2-=↓AgCrO4	pH=7, ғишт рангли чўкма, аммиакда ва нитрат кислотада эрийди.
	Na2HPO4	3AgNO3+Na2HPO4=↓Ag3PO4+2NaNO3+HNO3 Ag^++3 NO3^- + 2Na^++ HPO4^2-= ↓Ag3PO4+ 2Na^++3NO3^-+H^++ NO3^- 3Ag^++HPO4^2-=↓Ag3PO4+H^+	Сариқ чўкма, аммиакда ва нитрат кислотада эрийди.

8. КУМУШ ВА КУМУШ БИРИКМАЛАРИНИНГ ИШЛАТИЛИШИ

Археологик топилмалар шуни кўрсатдики, кумушдан кишилар безаклар ва уй-рўзғор буюмлари ясаш учун тахминан 7-8 минг йиллар илгари фойдаланганлар.

Тоза кумуш юмшоқлиги сабабли амалда деярли ишлатилмайди: у одатда оз миқдордаги мис билан суюқлантирилади. Кумуш қотишмалари безак ва маиший буюмлар, танга, лаборатория идишлари тайёрлаш учун хизмат қилади. Кумушдан бошқа металларни қоплаш, шунингдек радиотехникада қоплаш учун фойдаланилади. Олинадиган кумушнинг бир қисми кумуш-рухли аккумляторлар тайёрлаш учун сарф бўлади.
Кумуш ҳозирги вақтда ҳам тангалар тайёрлашда кўп миқдорда ишлатилади. АҚШда кумуш танга таркибида 90% кумуш 10 % мис бўлади. Инглиз стерлинг кумуш тангасида 92,5 % кумуш, 7,5% мис бор. Кумушнинг бутун жаҳонда сезилаётган камчилиги бошқа қотишмалардан тангалар тайёрлашда ўтиш заруриятини туғдирмоқда.
Кумуш метали озгина миқдорда кимёвий аппаратларннг масъулиятли қисмларини тайёрлашда ишлатилади. Кумуш суюқлантирилган ишқорларга нисбатан барқарор ва шунинг учун ундан ишқорий муҳитга яроқли тигеллар ва аппаратлар ясалади. Кумуш ҳар хил металларни электролитик кумушлаш учун ишлатилади, чунки у буюмларни коррозиядан сақлайди, контактларнинг электр қаршилигини камайтиради.
Кумуш кучли бактерицид хоссаларга эга. Бу хоссасини қадимги замонларданоқ пайқаган эдилар. Масалан, Алексадр Македонсий жангчиларининг яраларини даволашда кумуш пластинкалардан фойдаланганлар, бу пластинкалар яраларга боғлаб қуйилган. Кумуш микробларни ўлдирганлиги сабабли яраларнинг битишига ёрдам берган. Кумушга тегиб турган сув узоқ вақтгача бузилмасдан янгилигича туради, чунки бундай сувда микроорганизмлар ривожланмайди. Бунга сабаб шуки, кумуш озроқ миқдор даражада коррозияга учрайди ва кумуш хлорид кўринишида эритмага ўтади. Бу модданинг эрувчанлиги жуда оз бўлганлиги сабабли эритмада озроқ миқдорда кумуш ионлари бўлади. Кумуш аралашган кварц қумидан сув фильтрланганда ҳам у бактериялардан тозаланади.
Кумуш қотишмаларидан танга металидан ташқари тишларни пломбалашда қўлланиладиган қотишма муҳим аҳамиятга эга. У 33% Ag, 52% Hg, 12,5%Sn, 2% Cu, ва 05% Zn дан иборат. Бу қотишма қотганда бир оз кенгаяди ва полмбаланадиган бўшлиқни тўлдиради.
AgBr нинг кўп миқдори фотоқоғозлар ва фотоплёнкалар тайёрлашга кетади.
Кумуш нитрат AgNO₃ (ляпис) фотоматериаллар ишлаб чиқаришда, ойна тайёрлашда, гальванотехникада, тиббиётда ишлатилади.
Кумуш ионлари кучли бактерицид хоссаларга эга, жуда кичик концентрацияда (10^-10моль/л) ҳам ичимлик сувини стерилация қилади. Тиббиётда диаминкумуш гидроксид [Ag(NH₃)₂]OH амарген (бу сўз “аммаиак” “аргентум” сўзларидан ҳосил бўлган) номи билан ишлатилади. махсус қўшимачалар билан стабилизацияланган кумушнинг коллоид эритмалари (протаргол, коларгол ва бошқалар) кўз қобиғини дезинфекция қилиш учун ишлатилади.