Ўзбекистон республикаси олий ва ўрта махсус таълим вазирлиги бухоро давлат университети кимё-биология факультети

Кумуш (I) сульфит
Кумуш нитратнинг концентрланган эритмасига муаян миқдорда туз сақлаган натрий сульфит эритмаси қўшилади:
2AgNO₃+Na₂SO₃= Ag₂SO₃⁺ +2NaNO₃
Тушган кумуш (I) сульфит Ag₂SO₃ чўкмаси фильтрланади, янги қайнатилган сув билан ювилади ва сульфат кислота устида эксикаторда қуритилади.
Кумуш (I) сульфит майда кристаллардан иборат рангсиз кукун кўринишида олинади. У сувда ёмон эрийди, ҳавода барқарор.
Кумуш (I)- нитрид
Диаминкумуш (I) хлорид эритмасига аралаштириб турган ҳолда ўювчи калий ёки ўювчи натрий грануллалари қўшилади. Реакция ишқор таъсирида ҳосил бўладиган аммиакнинг ажралиши тингандан сўнг тугайди. Аралашма 3-4 марта совуқ сув билан суюлтирилади ва кулранг-қора кумуш (I) нитрид Ag₃N чўкмаси фильтрланади. Сув билан ювилади ва уни сақланадиган сувли пробиркага жойлаштирилади.
Қуруқ кумуш нитрид Ag₃N ҳавода барқарор, бироқ урилганда ва сиқилганда, шунингдек қиздирилганда протлаб парчаланди. Шунинг учун уни фақат кам миқдорда 0,2-0,3 г олиш мумкин.
Кумуш (I) – фторид
1- усул.
Ag₂CO₃+2HF→2AgF+CO₂+H₂O
Тоза сувсиз АgF олиш учун Ag₂CO₃ (ортиқча) 40% ли фторид кислотада эритилади, эритма фильтрланади ва аралаштириб турган холда кристалланиш бошлангунча буғлатилади. Қолган сув уч марта метанол қўшиб, охиргиси декантация билан йўқотилади. Якунида худди шундай махсулот абсолют эфир билан ювилади. Сариқдан то оч-қўнғир ранггача бўялган маҳсулот 60-80⁰С да куритилади. AgF ёруғликка сезувчанлиги юқори бўлганлиги сабали қора идишда қороғида сақланади.


2-усул.
2Ag+2HF+H₂O₂→2AgF+2H₂O
Жуда тоза AgF кумуш (концентрланган AgNO₃ эритмаси ва аммоний формиат эритмасини 60⁰С да тез аралаштириб олинган) кукунини фторид кислотанинг сувдаги 25% ли эритмаси (бир ёки бир ярим марта ортиқ) билан ишлов бериб олинади. 0,5 соат давомида шиддат билан аралаштириб турган холда томчилатиб 6% ли Н₂О₂ ( бир ёки бир ярим марта ортиқ) қўшилади. Бунда кўпгина ҳолларда қўнғир чўкма ҳосил бўлади. Реакцион аралашма 1 соат давомида сув ҳаммомида газ ажралиб чиқиши тугагунга қадар қиздирлади. Сўнг қўнғир чўкма фильтрланади ва фильтрат қуригунча концентрланади.