Ўзбекистон республикаси олий ва ўрта махсус таълим вазирлиги гулистон давлат университети

Хулосалар
Амалий ижтимоий иш жараёнига безовталик ва эҳтиёжга жавоб сифатида қаралади. Безовталик нимадир кўнгилдагидек эмаслигини ҳис этиш туфайли вужудга келади. Ижтимоий ишчилар мазкур вазиятда қондирилмаган эҳтиёжларни идентификация қилиш орқали безовталикка қарши ҳаракат қиладилар. Эҳтиёжларни аниқлаш жараёнида улар инсон тараққиёти, одамлар ўртасидаги тафовутлар, ижтимоий тизимлар, экотизимлар ва кучли жиҳатлар ёндашувлари тўғрисидаги билимларидан фойдаланадилар. Улар нафақат конкрет мижознинг қондирилмаган эҳтиёжларини, балки шу билан бирга, мазкур вазиятда мижознинг атроф-муҳитини ташкил этувчи бошқа муҳим одамларнинг ҳам эҳтиёжларини аниқлайдилар. Одамлар ўз эҳтиёжларини қондиришга (уларни «енгишга») уринганларида ва атроф-муҳит одамларга ўз эҳтиёжларини қондиришлари бўйича талаблар қўйган тақдирда ижтимоий функцияни бажариш жараёни рўй беради. Ижтимоий функцияни бажариш ижтимоий иш амалиётининг асосий объекти ҳисобланади.
Ижтимоий ишнинг вектори одамларга индивидуал ёрдам беришга ҳамда ижтимоий функцияни бажариш жараёнига тўсқинлик қилувчи атроф-муҳит омилларига қаратилгандир. Ижтимоий хизматларнинг нимага қаратилиши ҳақидаги масала эҳтиёжнинг қондирилишига айнан нима тўсқинлик қилаётганига ҳамда нима ўзгариши– мижоз, вазият ёки ҳар иккаласи ҳам ўзгариши кераклигига боғлиқ бўлади.
Саволлар

1. 
   Инсон учун ҳозирги жамиятда ўз функциясини бажара олиши учун нимани минимал даражадаги эҳтиёж деб ҳисоблайсиз? Сизнингча, эҳтиёжларнинг идеал даражаси қандай бўлиши мумкин бўларди?
   
2. 
   Шахсий ва ижтимоий муаммоларни бирлаштирадиган эҳтиёжни концептуаллаштириш билан ҳозирги замон жамиятидаги ожизлик (заифлик) табиатининг ўзаро боғлиқлигини муҳокама қилинг.
   
3. 
   Одамлар орасидаги тафовутларни тан оладиган ёндашув ҳамда инсон тараққиётини тадқиқ этадиган ёндашув ижтимоий иш амалиётига қай тарзда интеграция қилиниши мумкин? Бу икки ёндашув ўртасидаги фарқлар нимадан иборат?
   
4. 
   Сизнинг ҳозирги пайтдаги функциянгизни бажаришингизга тегишли вазиятларда эҳтиёжлар ва атроф-муҳит талабларини қондириш зарурати билан боғлиқ бўлган хулқ-атвор турларини таърифланг.