Ўзбекистон республикаси олий ва ўрта махсус таълим вазирлиги наманган мухандислик-технология институти

4. Энергетиканинг уч жиҳатлари

• Энергетикани ҳозирги кўринишда ва ундан ҳам ривожланган кўринишларида учала томондан қаралиш керак. Улар техник, ижтимоий- сиѐсий ва биосфера ѐки эрологик кўринишлари. Энергетика ривожлана борган сари унинг уч жиҳати катта глобал тизимда ва унинг айрим нимтизимларида, масалан, электр энергетикаси, иссиқлик таъминоти ва ҳакозоларида намоѐн бўла бошлайди.
• Энергетиканинг техник жиҳати, инсоният коинот энергетика потенциаллардан фойдаланнб олаѐтган йирик қувватлар билан тавсифланади. Масалан, ҳозирда дунѐдаги бор бўлган электр станцияларнинг қуввати тахминан 2,5 млрд. кВт ни ташкил этади. Энергетика қурилмаларнинг умумий қуввати эса 10 млрд. кВт га етади. Бу қувватларни таъминлаш учун инсоният ҳар йили табиатдан вазни 40-50 млрд. тонна шартли ѐқилғига тенглаштирилган турли хилдаги ѐқилғи олади. Шунга қарамасдан табиатдан олинаѐтган энергетика манбаларининг ФИК 0,2% дан ортиқ эмас.
• Бу ерда энергетиканинг асосий масалаларидан бири юзага чиқади - энергияни бир турдан иккинчи турга айлантиришдаги йўқотишларни камайтириш. Бунинг учун қурилмаларни яхшилаш ва олинган энергиядан оқилона фойдаланиш керак, бу эса техника доирасидан чиқиб, ижтимоий кўринишда қаралиш керак.
• Электр энергиясини узатиш, олиш ва қайта тақсимлашдаги йўқотишларни камайтириш, кўп жиҳатдан сарф қилинган металл қийматига, асосан алюминийга боғлиқ. Кесимида катта зичликдаги токни (1,0- 1,2 А/мм2) ўтказиш жоиз бўлганда, алюминий сарфи камаяди, лекин электр энергияси сарфини оширади. Жаҳондаги алюминий нархи ўзгариши шундайки, бу металл арзонлашмоқда, шунинг учун ривожланган мамлакатларда ток зичлигини кескин (0,35 А/мм2) камайтирилиши кузатилмоқда. Бундан хулоса қилиб, алюминий нархи электр узатгичлардаги сим кесимлари танловига таъсир этади, яъни электр тизимидаги техник тавсифларга таъсир этади. Шундай қилиб, алюминий баҳоси электр узатгич симларини, яъни электр мажмуаларни техник тавсифларига бевосита таъсир этади.
• Турар жой ва саноат биноларини иссиқлик сақлаш йўли билан энергия йўқотишларни камайтириш, электр энергияга тўғри нархлар ишлаб чиқиш, энергияни энг кўп истеъмол вақтида кам истеъмол қилиш каби ҳолларни рағбатлантиришни йўлга қўйиш, ижтимоий-иқтисодий масалаларни ҳал қилишга олиб келади.

• Энергетика фани энергетика оқимларининг хоссалари ва ўзаро таъсири, уни инсоният жамиятига ижтимоий-иқтисодий, илмий- техник ва атроф муҳитга таъсирини ўрганади. Бундан ташқари халқ хўжалигига керак бўладиган энергия манбалари олиш, турли хил энергияни ишлаб чиқарувчи, бошқа турга айлантирувчи ва истеъмол қилувчи қурилмаларни ясаш, жараѐн ва қонуниятларни ўрганиш билан ҳам шуғулланади.
• Электр, иссиқлик, гидротехник ва бошқа кўп илмий йўналишлар билан яқин мулоқот қилган ҳолда, энергетика фани математика, физика, автоматика ва кибернетика фанларини қўллашни тақазо этади.
• Замонавий жамиятда муҳандиснинг ўрни жуда муҳим. Муҳандислар фан ютуқларини бевосита жамият ишлаб чиқаришига тадбиқ этиш, ундан фойдаланган ҳолда ишлаб чиқарилаѐтган маҳсулот сифатини ва унумдорлигини ошириш мумкин. Шунинг учун улар инсоният жамияти доирасида кенг миқѐсдаги масалаларни юқори илмий ва техникавий даражада ечишга қодир бўлишлари керак.