Ўзбекистон республикаси олий ва ўрта махсус таълим вазирлиги самарқанд иқтисодиёт ва сервис институти

Бўш вақтнинг мавжудлиги. Одамлар саёҳатга нафақат пулларини балки 
вақтларини ҳам сарфлайдилар. Хатто энг юқори даромадга эга бўлган шахс ҳам 
агар вақти бўлмаса тур саёҳатини амалга ошира олмайди. Ривожланган 
жамиятда вақтнинг етишмаслиги (худди даромади етишмаслиги каби) 
туризмни чегараловчи асосий омилдир.
Сўнгги вақларда аҳолининг бўш вақти ҳажми ошди бунга иш кунларини 
ҳафтасининг қисқартирилиши, узоқроқ таътил байрам кунлари, мактаб 
таътиллари, тўлиқ иш кунининг бўлмаслиги, нафақага чиқиш, нодавлат 
ишларда банд бўлишлиги ва маълумот даражасидаги ўзгаришлар асосий таъсир 
этувчи омиллар бўлиб хизмат қилади.
Урбанизация оқибатида қишлоқ хўжалигида банд бўлган ва кичик аҳоли 
яшайдиган пунктлардаги аҳоли сони қисқармокда. Аввал “саёҳат 
қилмаганлар”нинг бир қисмини ташкил этган айнан шу ижтимоий аҳоли 
туризм хизмат бозорига янги сегмент сифатида кириб келмоқда. 
Охирги йиллардаги ҳар хил сиёсий ва ижтимоий-иқтисодий ўзгаришларга 
қарамай, мамлакатимиздаги туризм соҳаси йилдан-йилга барқарор равишда 
маҳсулотлар ва хизматлар ишлаб чиқаришни кўпайтириб бораётган халқ 
хўжалиги тармоғи бўлиб қолмоқда. Мамлакатимиздаги туристлик хизматлар 
бозорида ҳозирги вақтда асосан анъанавий шакллар фаолият кўрсатмоқда. Агар 
йўлланмаларнинг нархи доимий ошиб борадиган бўлса, дам олувчилар сони 
ҳам тегишлича камайиб боради. Юқорида айтилганлардан шу нарса келиб 
чиқадики, ҳозирги шароитда Ўзбекистонда энг долзарб муаммолардан бири 
туристлик соҳани қайта ташкил қилиш, унинг рентабеллигини, биринчи 
навбатда, юқори технологияли комплекслар ва тегишли инфраструктурага эга 
туристлик марказларни ташкил қилиш эвазига ошириш ҳисобланади.
 

---

229 
Таянч иборалар: Туристлик хизмат бозори, туристлик хизмат бозорини 
режалаштириш, туризмнинг иқтисодий кўрсаткичлари, сегментация, туристлик 
хизмат бозори конъюнктураси, туристлик маҳсулотлар ва хизматлар бозори, 
туристлик хизмат бозоридаги маркетинг стратегияси, инфраструктура, 
Ўзбекистондаги туристлик хизмат бозори.