106
9. ЎЗБЕКИСТОН РЕСПУБЛИКАСИНИНГ ТУРИЗМ ТЎҒРИСИДАГИ
ДАВЛАТ СИЁСАТИ
Режа:
9.1. Давлатнинг туризм соҳасидаги сиёсати
9.2. Давлатнинг туризм сиёсатини амалга ошириш
механизми
9.3. Туризм фаолиятининг давлат томонидан тартибга солишнинг асосий
мақсадлари
9.4. Ўзбекистон Республикаси Президенти ва Вазирлар Маҳкамасининг
туризм
соҳасига оид фармон ва қарорларининг мазмуни
9.1. Давлатнинг туризм соҳасидаги сиёсати
Мамлакатимизда туризм
фаолиятига
мустақилликнинг
дастлабки
кунлариданоқ асосий давлат сиёсати даражасида қаралди. Соҳа ривожи учун
барча зарур ташкилий - ҳуқуқий механизм вужудга келтирилиб, муҳим меъёрий
ҳужжатлар қабул қилинди ва бу иш ҳозирда ҳам давом этмокда.
Мамлакатимизда туризмнинг равнақи, уни янги поғоналарга кўтариш,
юртимизни жаҳон туризм марказларидан бирига
айлантириш учун аввало
ҳуқуқий замин яратиш лозим эди. Шу туфайли Ўзбекистон Республикаси Олий
Мажлисининг мазкур йўналишга тааълуқли қонун ва кодекслари, Ўзбекистон
Республикаси Президентининг туризмга оид қатор
Фармонлари, Республика
Вазирлар Маҳкамасининг қарорлари, Адлия вазирлигининг ва бошқа мутасадди
давлат идораларининг йўриқнома, кўрсатма ва тартиблари ишлаб чиқилиб,
ҳаётга тадбиқ этилмоқда.
Давлатнинг туризм соҳасидаги сиёсати давлат ижтимоий-иқтисодий сиёсат
кўринишларидан бири ҳисобланади.
Давлатнинг туризм соҳасидаги сиёсати – бу
туризм индустриясини ва
туризм
бозори
субъектларини
(туроператорлар
ва
турагентлар)
ривожлантириш, фуқароларга туризм хизмат кўрсатиш шаклларини
такомиллаштириш ҳамда шу асосда сиёсий, иқтисодий ва
ижтимоий
салоҳиятини мустаҳкамлаш бўйича давлат фаолиятидир.
Туризм сиёсати Ўзбекистон Респубикасининг барча ҳудудида амалга
оширилади, авваломбор минтақа алоҳида
субъектлар даражасида, ундаги
мавжуд бўлган туризм билан минтақа иқтисодиёти ўртасидаги
зиддиятларни
бартараф этиш мақсадида амалга оширилади.
Давлатнинг туризм сиёсати халқ хўжалик комплексини ривожлантириш ва
конкрет мақсадларга эришиш учун туризм соҳаси фаолиятига давлат
таъсирининг шакллари, усуллари ва таъсир қилиш йўналишлари йиғиндисидан
иборат.
Туризмни
ривожлантиришда
бошқариш
стратегик
тизими
самарадорлигини оширишга муаян чораларнинг
комплекс ишлатилишини
қўллаш орқали эришиш мумкин (Расм 9.1.). Ҳозирги пайтда республикада 20
дан ортиқ маҳаллий ва республика даражасида туризм ривожлантириш
дастурлари амалга оширилмоқда ва йирик лойиҳалар қабул қилинмоқда.
