Ўзбекистон республикаси олий ва ўрта махсус таълим вазирлиги тошкент педиатрия тиббиёт институти

Бўшлиқли импетиго (оғиз бичилиши). Стрептодермия 
касаллигининг 
клиник 
шаклларидан 
бири 
бу 
бўшлиқли 
импетигодир. Касаллик белгилари асосан оғиз бурчаги, бурун 
қаноти соҳаларида ёки кўзнинг ташқи бурчаклари соҳаларида 
кузатилади. Оғиз бурчаги соҳасида дастлаб юмшоқ қобиғли пуфакча 
пайдо бўлади, кейинчалик у ёрилиб, чуқур бўлмаган ёриқни ҳосил 
қилади. Ўчоқлар сатҳи қизил-сарғиш қатқалоқлар билан қопланади. 
Жараён ачишиш, оғриқ ва қичишиш каби аломатлар билан кечади. 
Бемор болалар тишларида кариэснинг мавжудлиги, ринит ва 
коньюнктивит касалликларининг кузатилиши, болаларнинг лаб 
бурчаги соҳасини доимий равишда ялашлари натижасида эса 
касаллик узоқ вақт давом этиб, ёриқларнинг битиши қийинлашади. 
Умумий сочиқлардан, идишлардан фодаланилганда ва ўпишганда 
касаллик соғлом инсонларга юқиб қолиши мумкин. Бўшлиқли 
импетиго касаллиги оғиз бурчаги кандидози ва иккиламчи захмнинг 
эрозияли тугунчалари билан тафовут этилади. 
Интертригиноз стрептодермия. Интертригиноз ёки оралиқ 
стрептодермия касаллиги катталарда қўлтиқ ости, қорин, чов-сон, 
думба, қулоқ орти ва кўкрак бези соҳалари оралиғларида 

---

103 
кузатилади. Болаларда эса жараён асосан семиз, терлайдиган, диатез 
ва диабет касалликлари билан хасталанган беморларда намоён 
бўлади. Касаллик бурамалар соҳаларига дон ёки тўғноғич 
катталигида бўлган кўп миқдордаги флектиналарнинг тошиши 
кўринишида бошланади. Кейинчалик флектеналар бир-бирлари 
билан қўшилишиб катта ҳажмдаги сатҳи ҳўлланадиган, қизил рангли 
эрозияларни ҳосил қилади, ўчоқлар четлари тугмачалар кўринишида 
бўлиб, улар соҳасида эпидермиснинг кўчган қисми кўтарилиб 
туриши кузатилади. Ўчоқлар атрофида алоҳида жойлашган 
йирингли тошмалар кузатилади. Бурамалар тубида чуқур ёриқлар 
пайдо бўлади натижада беморларни оғриқ, ҳаракатни чегараланиши, 
қичишиш каби аломатлар безовта қилади. Касаллик узоқ вақт салбий 
шикоятлар асосида кечади. Оралиқ стрептодермия касаллиги 
бурмалар кандидози касаллигидан фарқланади, бу касалликда 
пуфакчалар таркибидаги суюқлик ва ҳосил бўлган қатқалоқлар 
сариқ рангда бўлмайди ва ўчоқлар таркибида ачитқили замбуруғлар 
топилиши касалликка тўғри ташхис қўйишга асос бўлади.