Ўзбекистон республикаси олий ва ўрта махсус таълим вазирлиги тошкент педиатрия тиббиёт институти

 
Болалар қичимаси. Эшакем 
Вазиятли масала №13 
Врач кўрувига 36 ёшдаги аёл бутун тери юзаларида тошмалар 
тошишига, қўл, кўкрак ва бўйин соҳаларида шишларнинг пайдо 
бўлиши, нафас олиш жараёнини қийинлашуви каби шикоятлар 
билан мурожаат қилди. Тошмалар 2 соат аввал ари чаққан заҳотиёқ 
пайдо бўлган. Клиник жиҳатидан касаллик белгилари бутун тери 
бўйлаб қаварчиқли тошмаларнинг тошиши билан намоён бўлган. 
Дермографизм: қизил, турғун, уртикар кўринишда. Субъектив: 
кучли қичишишга шикоят қилади. 
1. Сизнинг ташхисингиз? 
2. Биринчи тиббий ёрдам тактикаси нимадан иборат? 
3. Даво тактикангиз нимадан иборат? 
Вазиятли масала №14 
Шифокор қабулига 3 ёшли фарзанди билан она қўл ва оёқлар-
нинг ташқи юзаларида тошмалар тошишига ва кучли қичишиш каби 
шикоятлар билан мурожаат қилди:. Касаллик аломатлари бронхоп-
невмония ташхиси сабабли беморга антибиотиклар тавсия этилган-
лиги туфайли (ичак дисбактериоз ҳисобига) пайдо бўлган. Кўрил-
ганда: қўл ва оёқларнинг ташқи юзаларида тугунчали, пуфакчали 
тошмалар кузатилади, баъзи тугунчалар юзаларида пуфакчаларнинг 
бўлиши қайд этилади. Пуфакчалар таркиби серозли суюқликдан 

---

517 
иборат. Жойларда кучли қичишишлар эвазига экскориациялар ва 
эрозиялар пайдо бўлган. Субъектив: беморни кучли қичишиш 
ҳолати безовта қилади. Дермографизм: оқ, нотурғун. 
1. Сизнинг ташхисингиз? 
2. Даво чораларини белгиланг. 
Терининг йирингли кассаликлари. Оддий ҳуснбузар. 
Вазиятли масала № 15. 
Туғруқхонада 3 кунлик чақалоқда танаси бўйлаб майда 
пуфакчали тошмалар пайдо бўлган. Пуфакчалар таркибидаги 
суюқлик серозли-йирингли бўлиб, атрофлари қизарган кўринишда. 
Қўл ва оёқ кафт юзаларида эса тошмалар кузатилмайди. Тана 
ҳарорати 37,8 С ташкил этади.
1. Беморга ташхис қўйинг. 
2. Қайси касаллик билан таққослов ташхисини ўтказиш 
мумкин? 
3. Касалликни кўзғатувчиси нима. 
4. Даволаш тактикасини белгиланг.