Ўзбекистон республикаси олий ва ўрта махсус таълим вазирлиги ҳузуридаги олий таълим тизими педагог ва раҳбар кадрларини қайта тайёрлаш ва уларнинг малакасини оширишни ташкил этиш

VII. ГЛОССАРИЙ

Ахборот жамияти - «индустриал жамият» атамасини аста-секин алмаштираётган келажак жамияти. Мавжуд тизимни энг янги оммавий коммуникация воситалари билан бирлаштириш, янги ахборот тартибини ривожлантириш унинг ўзига хос жиҳатларидир.
Ахборотлаштириш - ҳозирги замон жамиятида фан ва техникани ривожлантиришнинг муҳим воситаси сифатида информатиканинг етакчи ўринга чиқиши.
Бир вариантлилик - маълум ифода билан боғлиқ ўзгарувчиларни маълум тарзда ўзгартиришда ифодани ўзгаришсиз қолдирувчи концепция.
Глобаллашув - умуминсоний принциплар асосида жаҳон мамлакатларининг яқинлашиши тенденциясига берилган фалсафий-социологик таъриф.
Гносеология - фалсафа ва фандаги билиш назарияси.
Демократик жамият – демократик принципларга асосланган ҳамда ўзида ҳуқуқий давлат ва фуқаролик жамияти асосларини, принципларини ифода этган жамиятдир. Унга кўра инсон эркинлиги, ҳуқуқ ва манфаатлари устуворлиги эътироф этилади ва амалга ошириб борилади. Демократик жамиятда давлат ҳокимияти тизимининг бўлиниш принципи, сиёсий институтлар хилма-хиллиги, сиёсий плюрализм, демократик сайловлар, қонун устуворлиги, кўппартиявийлик ва бошқа принципларга асосланилади.
Демократия моделларининг хилма-хиллиги – демократяининг умуминсоний принципларини эътироф этадиган ва турли халқлар, мамлакатлар миллий-маданий хусусиятларини ҳисобга олган холда демократияга миллий ва умуминсоний қадрият сифатида қараш билан боғлиқ бўлган ёндошув. Унга кўра «демократиянинг якаю ягона модели бўлмайди» деган муҳим ғоя устувордир.
Диалектика - борлиқдаги нарсалар ва ҳодисаларнинг умумий алоқадорлиги ривожланиши ва янгиланишини эътироф этишга асосланган ижодий билувчи тафаккур назарияси ва методи.
Жамият ривожланиши тўғрисидаги қарашлар – жамият ривожланиши тўғрисида турли даврларда шаклланган фалсафий, ижтимоий-иқтисодий, сиёсий қарашлар билан боғлиқ бўлган назариялар, концепциялар мажмуидир.