Ўзбекистон республикаси олий ва ўрта махсус таoлим вазирлиги

Назорат саволлари

1. 
   Ток ҳимояси деб қандай ҳимояга айтилади?
   
2. 
   Максимал ток ҳимояси
   
3. 
   Ток отсечкаси
   
4. 
   Максимал ток ҳимояларининг ҳаяллаш вақтлари қандай танланади?
   
5. 
   Танлаш поғонаси деганда нимани тушунасиз?
   
6. 
   МТҲ ларнинг танлаш картаси қандай тузилади?
   
7. 
   Агар юкламаларнинг ҳаяллаш вақтлари маълум бўлса линиялар МТҲ ларининг ҳаяллаш вақтлари қандай танланади?
   
8. 
   МТҲнинг ҳаяллаш вақти қандай реле ёрдамида ўрнатилади?
   
9. 
   Расмда келтирилган А1 ва А2 МТҲ лардан қайси бирининг ҳаяллаш вақти катта бўлиши керак?
   

10. 
    Агар МТҲлар электромагнит вақт релеларида бажарилган бўлиб t₂=1,5с бўлса t₁ неча секунд бўлиши керак?
    

2.2. МТҲ нинг ишга тушиш токи ва схемалари

2.2.1. МТҲ нинг ишга тушиш токи.

МТҲ қисқа туташув юз берганда ишончли ишлаши ва максимал юклама токлари ҳамда электродвигателларнинг ўз юргизиш токлари таъсирида ишламаслиги керак. Бундан ташкари шикастланмаган линиянинг МТҲ си ташқи қисқа туташув нуқтаси узилгандан кейин дастлабки ҳолатига қайтиши, яъни юклама токлари таъсирида ишлашга давом этмаслиги керак.
МТҲ нинг ишга тушиш токи.
I_ҳи=К_з К_ю I_{иш. max /}К_қ,
бу ерда К_з =1,1…1,2 - заҳира коэффициенти; К_ю -электродвигателларнинг ўз юргизиш токини ҳисобга олувчи коэффициент ҳисобланади, агар электродвигателлар тўғрисида етарли маълумот бўлмаса К_ю=2…3 олинади; К_қ = 0,8 - ток релесининг қайтиш коэффициенти; I_иш.max - ишчи максимал ток.
Ток релесининг ишга тушиш токи.
I_рu= К_сх I_ҳи /К_I ,
бу ерда К_I- ток трансформаторларининг трансформация коэффициенти; К_сх - схема коэффициенти, ҳимоянинг ток трансформаторлари юлдуз ёки тўла бўлмаган юлдуз схемаси бўйича уланганда К_сх=1 ва учбурчак ёки реле икки фаза токларининг фарқига уланганда К_сх=1,73 олинади .