Ўзбекистон республикаси президенти фармони

тўрт ой муддатда:
муаллифлик назоратини олиб бориш учун лозим бўлган маблағларни белгилаб берувчи тартибни;
қурилишда назорат ўлчовини амалга ошириш тартибини;
юридик шахсларни қурилиш ишлари устидан техник назорат қилиш ҳамда буюртмачи вазифасини бажариш бўйича аккредитациядан ўтказиш тартибини;
қурилиш объектида қурилиш иштирокчилари томонидан “назорат дафтарлари”ни юритиш ва сақлаш тартибини ишлаб чиқсин ва Адлия вазирлигида давлат рўйхатидан ўтказилишини таъминласин;
Адлия вазирлиги билан биргаликда объектни қайта ихтисослаштириш ва реконструкция қилишда лойиҳа-смета ҳужжатларини қурилиш органлари билан келишиш орқали алоҳида рухсатнома олиш тартиби бекор қилиш (лойиҳа-смета ҳужжатларини ишлаб чиқиш ва келишиш талаб этилмайдиган ҳоллар мустасно) бўйича Вазирлар Маҳкамасига таклиф киритсин;
Энергетика вазирлиги билан биргаликда лойиҳалаш учун техник топшириқларни ишлаб чиқишда илғор хорижий тажриба асосида лойиҳа ечимлари қўлланилиши ҳамда замонавий энергия тежайдиган материаллар, энергия самарадор технологияларни қўллаш ҳамда қайта тикланувчи энергия манбаларидан фойдаланиш назарда тутувчи аниқ таклифларни Вазирлар Маҳкамасига таклиф киритсин.
27. “Ўзстандарт” агентлиги, Қурилиш вазирлиги, Қурилиш вазирлигининг Қурилишда стандартлаштириш республика маркази 2021 йил 1 майга қадар республика бўйича қурилиш маҳсулотлари (цемент, арматура, ғишт, газобетон, пенабетон, бетонблок, темир-бетон плиталар) ишлаб чиқарувчи тадбиркорлик субъектлари томонидан ишлаб чиқарилаётган маҳсулотларни белгиланган талабларга мувофиқлигини текшириб, натижаси бўйича Ўзбекистон Республикаси Вазирлар Маҳкамасига ахборот киритсин.
Ўзбекистон Республикаси Вазирлар Маҳкамаси ушбу йўналишдаги ишларни таҳлил қилиб, уларнинг сифатини ошириш бўйича 2021 йил 15 майга қадар Президент Администрациясига ахборот ва аниқ таклифларни киритсин.
Давлат назоратида аниқланган сифатсиз қурилиш материаллари тўғрисида маълумотларни “exarid.uzex.uz”, “dxarid.uzex.uz”, “Шаффоф қурилиш” ахборот тизимларига киритсин ҳамда ушбу сифатсиз маҳсулотлар харидини чеклаш бўйича чоралар кўрсин.
Қурилиш вазирлиги Иқтисодий тараққиёт ва камбағалликни қисқартириш вазирлиги, Молия вазирлиги, Монополияга қарши курашиш қўмитаси, “Ўзстандарт” агентлиги билан биргаликда ўрганиш натижаларини таҳлил қилиб, қурилиш соҳасида ишлаб чиқарилаётган маҳсулотларнинг етарлилиги ёки уларга бўлган талабларни, мамлакатда ишлаб чиқарилаётган, айниқса имтиёз берилган корхоналар томонидан ишлаб чиқарилаётган маҳсулотларнинг самарадорлигини, уларни импорт маҳсулотлари билан алмаштирганда юзага келиши мумкин бўлган ижобий ва салбий ҳолатларини таҳлил қилиб,