Ўзбекистон Республикаси Соғлиқни Сақлаш Вазирлиги Тошкент тиббиёт академияси

Диуретик препаратлар алоҳида гуруҳлари хусусиятлари 
Факультатив диуретиклар 
Коптокча соҳасида таьсир қилувчилар:
a) 
Юрак гликозидлари (ЮГ); 
б) Метилксантин унумлари 
ЮГ умумий ва буйрак гемодинамикасини оширади, буйракга қон оқимини 
оширади ва юрак етишмовчилигида коптокча фильтрациясини ошишига олиб 
келади. Метилксантин унумлари (теофиллин, теобромин, кофеин) буйрак 
томирларини кенгайтиради, буйрак қон айланишини яхшилайди ва коптокча 
фильтрациясини оширади ( А/Б 100 мм.сим.уст бўлса). Юқоридаги 
механизмлар туфайли бу препаратлар диурезни бироз оширади. Бироқ кўп 
ҳолларда фақат коптокча фильтрациясининг ошиши нефрон дистал 
қисмларида интенсив натрий реабсорбцияси туфайли диурезнинг сезиларли 
ошишига олиб келмайди. Кучли диурезни фақат каналчаларда натрий ва сув 
реабсорбциясини блоклаши орқали олиш мумкин. Шундай экан бу 
препаратлар асосий диуретиклар сифатида қўлланилмайди, фақат уларга 
махсус кўрсатмалар бўлганда ишлатилади. Масалан, юрак етишмовчилигида 
ЮГ диурезнинг ошишига олиб келади. Ксантин унумлари билан диуретик 
сифатида монотерапия ҳозирда қўлланилмайди. Аммо коптокча қисми 
ишемиясида қовузлоқли диуретиклар билан бирга кучли диуретик эффект 
беради. Хозирги кунда факультатив диуретикларга кальций антагонистлари, 
АЎФ ингибиторлари, допамин агонистларини ҳам киритиш мумкин. 
Нефроннинг проксимал каналчаларида таьсир қилувчи диуретиклар. 
Нефрон проксимал каналчаларида натрий ва сув реабсорбциясини амалга 
оширувчилар: 
-осмотик диуретиклар (маннитол, мочевина, сорбитол); 
-карбоангидраза ингибиторлари (ацетазоламид). 

---

Осмотик диуретиклар: маннитол, мочевина, сорбитол 
Маннитол чиқиш шакли- 15% ли 200-400 мл флаконда, вена ичига 
томчилатиб юборилади. Мочевина, сорбитол коптокча фильтридан осон 
ўтади, каналчада деярли реабсорбцияланмайди ва фармакологик жихатдан 
нофаол хисобланади. Плазма 
осмоляльлигини
ошириш мақсадида катта 
дозаларда буюрилади.