Ўзбекистон Республикаси Соғлиқни Сақлаш Вазирлиги Тошкент тиббиёт академияси

Расм 2. Осмотик диуретикларнинг таьсир механизми. 
Осмотик диуретиклар нефрон барча қисмларида таьсир қилади, лекин асосан 
проксимал сохада таьсири юзага келади. Улар осмотик фаол модда бўлиб, 
реабсорбцияланмайди, шунинг учун сувнинг интерстицийга ўтишига 
тўсқинлик қилади (осмотик градиентга кўра). Бунинг натижасида натрийнинг 
каналчадаги концентрацияси камаяди, шу сабабли реабсорбцияланмайди. 
Осмотик диуретиклар қон плазмаси осмолярлигини ошириб хужайраичи 
компартментларини дегидратациясига олиб келади (ҳужайрадан сувни 

---

“суғуради” – “босма қоғоз” эффекти), циркуляцияланувчи қон хажмини 
оширади (гиперволемик фаза) ва натижада қон қовушқоқлигини 
пасайтиради. Буни натижасида натрийуретик гормон синтези ва секрецияси 
ошади, ренин ва альдостерон секрецияси пасаяди. Кайтар - оқимга қарши 
система бузилиши натижасида 
буйракларда ва хусусан мия қатламида 
қон 
айланиш яхшиланади. Қон билан ундан Na
+
ва мочевина ювилади натижада 
мия моддаси осмоляльлиги пасаяди. Бу эса Генле ковузлоғи кўтарилувчи 
қисми ингичка сегментида сув реабсорбцияси камайишига олиб келади, 
натижада Генле ковузлоғи кўтарилувчи қисми ингичка сегментига келувчи 
суюқлик таркибида Na
+
концентрацияси камаяди. Шу аснода Na
+
пассив
реабсорбцияси тормозланади (диуретик фаза) 
Ионлар экскрециясига таьсири. Осмотик диуретиклар деярли барча 
ионларнинг буйракда экскрециясини оширади: натрий, калий, кальций, 
магний, хлор , гидрокарбонат ва бошқалар. 
Асосий буйрак ичи функционал кўрсаткичларига таьсири. Осмотик 
диуретиклар буйрак қон оқимини ва бироз коптокча фильтрация тезлигини 
оширади. 
Фармакокинетика. Осмотик диуретиклар вена ичига киритилади ва 
биосингувчанлиги 100%. Таьсири 15-20 минутдан кейин бошланади. Т
1/2
и 1-
3 соат, метаболизмга учрамайди. Ўзгармаган холда буйраклар орқали 
чиқарилади. Маннит элиминацияси ёш болаларда (3-4 ойликкача) катта 
ёшдагиларга нисбатан секинроқ бўлади. Ёш болаларда Маннитнинг 
“Қуритувчи” таъсири яққолроқ намоён булади ва узоқ давом этади.