´збекистон республикаси солиµни саµлаш вазирлиги

SIRTGA ISHLATILADIGAN SOCHMALAR

Sirtga ishlatiladigan sochmalar juda maydalangan ko‘rinishda dozalarga taqsimlanmagan holda 5,0 dan 100, 0 gacha miqdorda yozib beriladi. Retseptda: Rp.: dan keyin dori moddasining nomi, maydalanganlik darajasi va umumiy miqdori yoziladi, agar sochma murakkab bo‘lsa, M.f. pulvis - aralashtir keyin D.S. yozilib unda ishlatilishi ko‘rsatiladi.

1. 
   Oddiy sochmalar yozishga misol:
   

Streptotsidning juda mayda sochmasidan jarohat yuzasiga sepish uchun 20,0 yozib berilsin.
Rp.: Streptocidi subtilissimi 20,0
D.S. Jarohat yuzasiga sepish uchun.

2. 
   Murakkab sochmalar yozishga misol:
   

Tarkibida 250000 TB bo‘lgan benzilpenitsillinning natriyli tuzi va 5,0 etazol saqlagan sochma burunga purkash uchun yozib berilsin.
Rp.: Benzylpenicillini-natrii 250 000 TB
Aethazoli 5,0
M.f. pulvis
D.S. Burunga purkash uchun.

ICHISH UCHUN BERILADIGAN SOCHMALAR

Ichish uchun beriladigan sochmalar retseptlarda dozalarga taqsimlanmagan va dozalarga taqsimlangan ko‘rinishda yozib beriladi. Ichish uchun dozalarga taqsimlanmagan shaklida aniq dozasi ahamiyatga ega bo‘lmagan yoki terapevtik dozasi katta bo‘lgan moddalar yozib berilishi mumkin.

1. 
   Oddiy taqsimlanmagan sochmalar yozishga misol: 30,0 magniy oksidi sochmasi uchun retsept yozing. 1/4 choy qoshig‘idan kuniga 2 mahal ichish buyurilsin.
   

Rp.: Magnesii oxydi 30,0
D.S. 1/4 choy qoshig‘ida kuniga 2 mahal ichilsin.

2. 
   Murakkab taqsimlanmagan sochmalar yozishga misol: 40,0
   

magniy oksidi va 10,0 choy sodasidan iborat sochma yozing.
1/3 choy qoshig‘ida kuniga 3 mahal ichish uchun buyurilsin.