´збекистон республикаси солиµни саµлаш вазирлиги

O‘zbekiston Respublikasi Sog‘liqni Saqlash Vazirligi
Oliy va o‘rta tibbiy ta’lim bo‘yicha o‘quv-uslub idorasi
Toshkent tibbiyot akademiyasi
Umumiy retseptura
(tibbiyot oliy o‘quv yurtlari barcha fakultetlari
talabalari uchun o‘quv-uslubiy qo‘llanma)


Toshkent-2012 y.
O‘zbekiston Respublikasi Sog‘liqni Saqlash Vazirligi
Oliy va o‘rta tibbiy ta’lim bo‘yicha o‘quv-uslub idorasi
Toshkent Tibbiyot Akademiyasi

Umumiy retseptura
(tibbiyot oliy o‘quv yurtlari barcha fakultetlari
talabalari uchun o‘quv-uslubiy qo‘llanma)

Toshkent-2012 y.
Qo‘llanma oliy tibbiy o‘quv yurtlarining barcha fakultetlari 3-kurs talabalariga umumiy retseptura bo‘limini bo‘yicha tasdiqlangan dastur asosida tuzilgan. Ushbu o‘quv qo‘llanmasida davlat farmakopeyasi, dorixona, dori moddalari to‘g‘risida tushuncha, retseptlarning tuzilishi, dori shakllari va ularga retsept yozish qoidalari keltirilgan. Har bir bo‘limda retsept yozish uchun topshiriqlar va mustaqil tayyorlanish uchun savollar berilgan.


Tuzuvchilar: Toshkent tibbiyot akademiyasi
farmakologiya kafedrasi mudiri, t.f.d., prof. Z.Z. Xakimov, t.f.d., prof. M.M. Azimov, t.f.n., dots. O.A. Zaytseva, t.f.n., kat. o‘qit. Sh.J. Radjapova
Taqrizchilar: Toshkent farmatsevtika instituti tibbiy fanlar kafedrasi mudiri, t.f.d., prof. X.U. Aliev;
Toshkent tibbiyot akademiyasi klinik farmakologiya kafedrasi mudiri, t.f.d., prof. A.V. Yaqubov

O‘quv-uslubiy qo‘llanma Toshkent Davlat ikkinchi tibbiyot institutining markaziy uslubiy xay’ati tomonidan (24.06.2005. 10-bayonnomasi) ko‘rib chiqilgan va tasdiqlangan.

DAVLAT FARMAKOPEYASI

Farmakopeya – dori moddalar sifatini belgilaydigan, tibbiyot va farmatsiya qonunlarining umumdavlat standartlar va nizomlar to‘plamidir.
Har bir davlatning o‘z farmakopeyasi bo‘ladi. Ular jahon Sog‘liqni Saqlash Tashkilotiga qarashli Xalqaro farmakopeya talablari asosida ish ko‘radi.
Davlat farmakopeyasi rasmiy dastur bo‘lib, uning talablariga dori moddalar ishlab chiqaradigan, sotadigan va qo‘llaydigan muassasalar rioya qilishlari shart.
Farmakopeyada dori moddalarining nomlari, kimeviy formulalari, fizik-kimeviy xossalari, sifati, saqlash qoidalari, bir martalik va sutkalik miqdor (doza)lari beriladi. Unda zaharli (A) va kuchli ta’sir ko‘rsatadigan (B) dori moddalarning ro‘yhati keltiriladi. Farmakopeyaga kiritilgan dori moddalar – ofitsinal (officina - dorixona) dorilar, farmakopeyaga kiritilmagan, shifokorning ko‘rsatmasiga binoan dorixonalarda tayyorlanadigan dori moddalar magistral (magister - o‘qituvchi) dorilar deb ataladi.