DORIVOR YIG‘MALAR
Dorivor yig‘malar bosh kelishik ko‘plik sonda - Species, qaratqich kelishik ko‘plik sonda - Specierum.
Dorivor yig‘malar maydalangan yoki butun o‘simlik ashyolarining aralashmasi bo‘lib, ba’zi hollarda ularga tuzlar, efir va boshqa moddalar qo‘shiladi. Ular damlama va qaynatmalar shaklida ichish uchun, vanna, chayqash, yuvish uchun va sirtga ishlatiladi. Dorivor yig‘malar oddiy va murakkab bo‘ladi yoki qismlarga bo‘lingan va bo‘linmagan bo‘ladi. Ichish uchun tavsiya etiladigan murakkab dorivor yig‘malar choy deb nomlanadi. Dorivor yig‘malar dorixonalardan umumiy miqdorda, ya’ni 50 g, 100 g, 150 g, 200 g dan chiqariladi. Tarkibi va qabul qilish usuli ko‘rsatilgan holda kog‘oz qutichalar va xaltachalarda chiqariladi. Tarkibida zaharli va kuchli ta’sir ko‘rsatadigan moddalar bo‘lgan o‘simliklardan iborat yig‘malar qismlarga bo‘lingan dorivor yig‘malar ko‘rinishida chiqariladi.
Misol. 10 ta qismlarga bo‘lingan dorivor moddaga retsept yozib berilsin, qaysiki tarkibida 2 g adonis o‘ti va 1,5 g valeriana ildizi bo‘lsin. Dorivor yig‘maning 1 ta dozasini 1 stakan suvda qaynatib 30 daq. damlab ko‘yilgach, suzib 1 osh qoshiqda kuniga 3 mahal ichish buyurilsin.
Rp.: Herbae Adonidis vernalis 2,0
Radicis Valerianae 1,5
M.f. species
D.t.d.N.10
S. Dorivor yig‘maning 1 ta dozasi 1 stakan issiq
(qaynoq) suvda qaynatib, 30 daq. damlab qo‘yilgach
suzib, 1 osh qoshiqdan ichilsin.
Ofitsinal dorivor yig‘malar yozishga misol. 50 g astmaga qarshi dorivor yig‘maga retsept yozib berilsin.
Rp.: Species antiastmatici 50,0
D.S. Kuniga 2 marta 1-2 choy qoshiqdan kuydirib,
tutuni hidlanansin.
Do'stlaringiz bilan baham: |
