Ўзбекистoн республикaси стрaтегик тaҳлил вa истиқбoлни белгилaш

II. Соғлом турмуш тарзи ва спортни оммалаштириш йўналиши. 
Айтиш керакки, ушбу йўналиш Президентимиз томонидан илгари 
сурилган “Беш муҳим ташаббус” доирасида ҳам асосий ўрин тутади.
Сўнгги беш йилда мамлакатимизда 118 та янги спорт мажмуаси 
фойдаланишга топширилди ва 110 таси реконструкция қилинди. Барча 
маҳаллалардаги ёшларни спортга жалб этиш бўйича илк бор “беш босқичли” 
мусобақалар бошланди. 
10200 га яқин умумтаълим мактаблари фаолият юритмоқда. 2022 йилда 
давлат томонидан 410 млрд сўмлик 40 та янги мактаб қуриш 
режалаштирилган. Ушбу мактаблар қурилиши, мавжудларининг капитал 
таъмирланишида замонавий воркаут майдончаларини барпо этишга алоҳида 
эътибор қаратиш зарур. 

---

78 
Бироқ инфратузилма борасидаги энг асосий муаммолар ҳам айнан спорт 
соҳасига тааллуқли. Жумладан, статистик маълумотларга қараганда, 
мамлакатимизда 12 мингдан зиёд спорт иншоотлари мавжуд бўлсада, лекин 
ёшларни жисмоний тарбия ва оммавий спортга қамраб олиш даражаси етарли 
эмас. Умумтаълим мактабларининг спорт анжомлари билан жиҳозланиш 
кўрсаткичи республика бўйича 56 фоизни, жумладан, Сурхондарё вилоятида 
12 фоизни, Хоразмда 14 фоизни, Қорақалпоғистонда эса 15 фоизни ташкил 
этади, холос.
2022 йил 23 май куни спортни оммалаштириш ва иқтидорли 
спортчиларни тайёрлаш чора-тадбирлари юзасидан ўтказилган видеоселектор 
йиғилишида бирорта спорт тури бўйича маҳаллий олимлар томонидан на 
методика, на дастур ишлаб чиқилганлиги, спорт диетологияси, 
фармакологияси, психологияси, спорт муҳандислиги, кардиомашғулотлар 
бўйича республикамизда умуман мутахассислар тайёрланмаётганлиги, 
бугунги кунда спортчиларни тайёрлаш 30 йил олдинги дастурлар асосида 
амалга оширилаётганлиги давлатимиз раҳбари томонидан кескин танқид 
қилинди. Давлатимиз раҳбари томонидан 2022 йил якунига қадар 6 миллион 
нафар ёшларни оммавий спорт билан қамраб олиш вазифаси қўйилган
1
. 
Шунингдек, йил якунигача 508 та маҳаллада кўп функцияли спорт 
майдончалари қурилиши қайд этилди.