Бюджет тизими бюджетлари ижросининг бюджет ҳисоби қайси органлар томонидан юритилади.
Ўзбекистон Республикасининг бюджет кодексининг 161-моддасига мувовиқ:
молия органлари;
ғазначилик бўлинмалари;
давлат солиқ хизмати органлари ва божхона органлари;
бюджет ташкилотлари;
давлат мақсадли жамғармаларини тақсимловчи органлар томонидан юритилади.
Давлат бюджетининг ва давлат мақсадли жамғармалари бюджетларининг ижроси тўғрисидаги ҳисоботларни ташқи аудитдан ўтказувчи назорат органининг номи нима.
Ўзбекистон Республикаси Ҳисоб Палатаси
Бухгалтерия ҳисоби объектларини санаб беринг.
Активлар, мажбуриятлар, хусусий капитал, захиралар, даромадлар, харажатлар, фойда, зарарлар ва уларнинг ҳаракати билан боғлиқ хўжалик операциялари.
Бухгалтерия ҳисобининг асосий принциплари санаб ўтинг.
Узлуксизлик, ишончлилик, кўрсаткичларнинг қиёсланувчанлиги бухгалтерия ҳисобининг асосий принциплари ҳисобланади.
Давлат харидларида инсофсиз ижрочиларнинг ягона реестрига киритилган ижрочи қанча муддатда давлат харидларида иштирок этмайди.
Икки йил давомида давлат харидларида иштирок этмайди.
Бюджет ташкилотлари томонидан тақдим этиладиган баланснинг актив қисмидаги “Молиявий активлар” бўлимида нималар акс эттирилади.
“Молиявий активлар” бўлимида мавжуд ҳисобварақлардаги пул маблағлари, аккредитивлар, кассадаги нақд пул қолдиқлари ва бошқа пул маблағларининг, шунингдек шахсий ғазна ҳисобварақлардаги пул маблағларининг қолдиқ суммалари акс эттирилади.
Бюджетлараро трансфертларнинг шаклларини санаб беринг.
Бюджетлараро трансфертлар субвенциялар, ўтказиб бериладиган даромадлар, дотациялар, бюджет ссудаси, ўзаро ҳисоб-китоблар бўйича маблағлар, тартибга солувчи бюджетлараро трансфертлар ва мақсадли ижтимоий трансфертлар шаклида амалга оширилади.
Do'stlaringiz bilan baham: |
