Ózbekstan Respublikası Joqarı hám Orta arnawlı bilimlendiriw Ministrligi

2. Tiykarģı bólim
2.1 Oqıtıw texnalagıyasın joybarlaw hám islep shıģıw tártibi.
Oqıtıw texnologiyası-bilim alıw processın hám texnikalıq dereklerın esapqa alǵan halda bilimlerdı ózlestirip olardıń óz-ara háreketın jaratıw, qollaw hám aniqlawdıń sistemalı usılı.
Texnologiya-grekshe “texnos”-“óner”, “logos”-“pán, ilim” sózlerinnen quralgan bolıp, “óner ilimi” degen mánisti ańlatadı.
Texnologiya járdeminde sanalı maǵlıwmatlar ámeliy sheshimler tiline awdarma etiledi. Texnologiya - bul háreket qılıwdıń eki usılı hám shaxstıń qanday da iskerlikke qosılıwı. “Hár qanday iskerlik texnologiya yamasa kórkem óner bolıwı múmkin. Kórkem óner sezim, texnologiya pánge tiykarlanǵan. Hámme zat kórkem ónerden baslanadı, texnologiya tawsıladı, sonda pútkil process baslanadı.
Búgıngı kúnde fizika oqıtıwshısı aldında turǵan áhmiyetlı máselelerden biri oqıtıwdıń zamanogóy texnologiyaların joybarlaw hám onı oqıtıw ámeliyatında qollaw. Fizika oqıtıwshısı oqıwshılarǵa fizika pánınen bilimlerdı berıp qoymastan olardı pánge qiziqtıra aliw hám jaqsı qániyge, jetik kadrlar jetıstırıp shıǵıwǵa erısıwı kerek. Oqıtıw processin texnologiyalastiriw ideyasi Evropa hám AQSH da payda bolǵan.
Joybarlaw - aldaǵı iskerlik modelin dúziw, ámeldegi sharayatlarda ornatılǵan waqıt dawamında jol hám qurallardı tańlaw ushın, maqsetke erisiw basqıshların ajıratıw, olar ushın bólek wazıypalardı qáliplestiriw, oqıw informaciyası hám qaytar baylanıstı jetkiziw quralı hám jolların anıqlaw.
Joybarlaw usılı-bilim hám ilmiy tájriybelerdi ámeliy qóllaw, analiz hám bahalawdı názerde tutatuǵın kompleksli oqıtıw usılın ámelge asıradı. Tálim alıwshılar joqarı dárejede, basqa oqıtıw usıllarınan paydalanıwǵa qaraǵanda, joybarlawda, shólkemlestiriwde, qadaǵalawda, analiz qılıw hám wazıypanı orınlaw nátiyjelerin bahalawda qatnasadı.
Joybarlawda oqıtıw tekǵana nátiyjeler, bálki procesin ózi de qımbatlı. Joybar pánler ara, bir pán yamasa pán sırtında bolıwı múmkin. Pedagogikalıq wazıypanıń sheshiliwinde oqıtıwshı hám student xızmetleriniń mazmunı, quralların proektlestiriw arqalı erisedi. Zamanagóy sharayatta tálim procesin texnologiyalastırıw onı proektlestiriwge salıstırǵanda jańasha jantasıw, yaǵnıy, tálim procesin texnologiyalıq strukturasına muwapıq jaqtılandıriw zárúrshiligin talap etedi. Oqıtıwshı kásiplik iskerligin shólkemlestiriwde tálim procesin proektlestiriw bólek áhmiyetke iye. Hár bir oqıw stuldı úyreniw bólek tema hám bólimlerdi proektlestiriw tiykarında ámelge asıriladı.