Ózbekstan respublikasi joqari HÁm orta arnawli bilim ministrligi berdaq atindaǵİ qaraqalpaq mámleketlik universiteti «Ózbekstan hám qaraqalpaqstan tariyxi»

Izertlewdiń obekti hám predmeti. Izertlewdiń obekti – ásirler dawamında adamzattı baylanıstırıp kelgen hám házirgi kúnde qaytadan tiklenip atırǵan Ullı jipek jolı bolıp tabıladı.
Izertlewdiń predmeti – búgingi kúni Ullı jipek jolın tiklew baǵdarında dúnya elleri, sonıń ishinde Ózbekstan Respublikasında islenip atırǵan jumıslardı úyreniw bolıp tabıladı.
Izertlewdiń máqset hám wazıypaları. Bul jumıstıń tiykarǵı maqseti Ullı jipek jolınıń transkontinental jol sıpatında izertleniw tariyxın analiz etiw, Evraziya kontinenti keńliginde adamzattı baylanıstırıwda ornın ashıp beriw, onı qayta tiklew boyınsha ilajlarda Evropa elleri, Oraylıq Aziya, sonıń ishinde Ózbekstannıń qatnasıwın kompleksli izertlew bolıp tabıladı.
Izertlewdiń tiykarǵı wazıypası tómendegilerden ibarat:

• 
  Ullı jipek jolı tariyxınıń alımlar tárepinen izertleniwin analiz etiw hám baspada shıqqan ádebiyatlar haqqında maǵlıwmatlar beriw;
  
• 
  Ullı jipek jolı boylap jaylasqan úlkelerde pútkiladamzatlıq áhmiyetke iye milliy hám ulıwmainsanıylıq miyraslardı qayta tiklew baǵdarında islenip atırǵan jumıslardı analiz etiw;
  
• 
  Ullı jipek jolınıń áyyemgi waqıttan baslap eller hám mámleketlerdi bir-biri menen baylanıstırıwda áhmiyetin ashıp beriw;
  
• 
  Ullı jipek jolın tiklew ideyasınıń payda bolıwı, onıń sebepleri hám áhmiyetin kórsetip beriw menen birge, bul aktual máseleni sheshiwde dúnyanıń kóplegen mámleketleriniń qatnasıwın hár tárepleme úyreniw;
  
• 
  Ullı jipek jolın qayta tiklew boyınsha xalıqaralıq konferenciyalardıń ótkeriliwi hám bunda Ózbekstannıń qatnasıwı hám qabıl etilgen qararlar haqqında pikirler júritiw.
  

• 
  XXI-ásirde Ullı jipek jolın qayta tiklew boyınsha jumıslardıń jolǵa qoyılıwı hám jańa transport magistrallarınıń payda bolıwı menen xalıqaralıq kólemde turizmdi rawajlandırıwdıń áhmiyetiniń artıp barıwın ayqın maǵlıwmatlar negizinde ashıp beriw;
  

Izertlewdiń ilimiy jańalıǵı tómendegilerden ibarat:

• 
  Ullı jipek jolın tiklew ideyasınıń payda bolıwı, onıń sebepleri hám dúnya xalıqların ekonomikalıq, siyasiy hám mádeniy baylanıstırıwda tutqan ornı hár tárepleme analiz etildi;
  
• 
  Búgingi kúni Ullı jipek jolı qayta tiklew boyınsha islenip atırǵan jumıslar analiz etiliw mene birge, bul baǵdarda qabıl etilip atırǵan ilajlar, baǵdarlamalar hám onıń mazmunı haqqında jańa materiallar ilimiy aylanısqa kirgizildi hám sistemalastırıldı;
  
• 
  Tariyxıy-salıstırıw hám analiz etiw negizinde, xronologiyalıq izbe izlikte Ullı jipek jolın qayta tiklewdiń geostrategiyalıq, siyasiy hám ekonomikalıq áhmiyeti ashıp beriliw menen birge, onıń turizmdi rawajlandırıwda tutqan ornına baha berildi.