Ózbekstan Respublikasın rawajlandırıwdıń bes ústin turatuǵın baǵdarı boyınsha Háreketler strategiyasına muwapıq, nef-gaz sanaatı salasında -da qatar ózgerisler ámelge asırıldı

2. 3. Qudıq tubi aldı zonasına ıssılıq penen tásir etiw
Qudıq tubi aldı zonasına ıssılıq penen tásir etkende. Truba qudıq diywali, filtr zonası hám qatlam geweklerindegi parafin - smola jatqiziqlari erip neft' aǵımı menen jer júzine shıǵadı. Bul qudıq tubi aldı zonasındaǵı taw jınıslarınıń filtrleniw qábiletin asıradı. Odan tısqarı jabısqaqlıǵı azayadı hám nefttin’ ha’reketleniwi asadı. Qudıq tubi aldı zonaları shuqirliq elektrisitqish, gazisitqish, ıssı neft', neft' ónimleri, suw hám ig’alliliqlar járdeminde isitiladi.

2. 4. Qudıq tubi aldı zonasın elektr ıssılıq penen qayta islew
Qudıq tubi aldı zonasın qızdırıwdıń bul usılı - qudıqqa kabel jıbinde túsiriliwshi shuqirliq elektr ısıtǵıshı ja’rdeminde ámelge asıriladı. (2. 1.-su'wret). Elektr ısıtqısh - qudıqtaǵı diametri 146 mm hám odan úlkenlew bolǵan isletiw trubalar birikpesi menen islewge mólsherlengen.

2. 1.-su'wret. Shuqur elektr ısıtǵısh
1 - kabel jıp ; 2 – elektrisitqishtin’ gellegi; 3 - gidroflanets; 4 - klemma boslig'i; 5 - trubalı elektrisitqishtin’ elementleri;
6 - kojux; 7 - manometr kurilmasi ushın mufta

Elektrisitqishtin’ sırtqı diametri - 112 mm, uzınlıǵı - 3700 mm, salmaǵı 60 kg ga teń. Onıń maksimal quwatı 21 kVt, kernewi -380 V. Qudıqqa elektrisitqishti túsiriw, kóteriw hám qudıq aldı zonasın qizdırıwda SUEPS-1200 ózi ju’rer apparatınan paydalanıladı. Odan tısqarı tereńligi 1500 m bolǵan qudıqlarda islewge mólsherlengen qurılmalar da bar.

2. 5. Qudıq tubi aldı zonasın ig’alliliq ıssılıǵı menen qayta islew
Bul usıl menen qudıq tubi aldı zonasın qayta islew ushın ıssılıq deregi retinde qudiqqa aydalatug’in isitilgan suw pari (bug'i) qollanıladı. Keyin qatlam ishine ıssılıq uzatıw ushın qudıq awızı tuyıqitiladi. Bir neshe waqıttan keyin qudıq óz jumısın tikleydi. Qudıqtaǵı ig’al ıssılıq penen kayta islewge saylanǵan jerge nasos -kompressor trubası (paker menen birge) túsiriledi. Ol filtr tesiginiń ústki bólegine ornatıladı. Paker filtr zonasın isletiw trubalar birikpesinen izolyatsiya etedi jáne onı qudıqqa jiberiletin pardin’ joqarı temperaturası tásirinen saqlaydı.
Qudıqtı ıssılıq penen qızdırıw ushın ig’alliliq avtomobilge ornatig’an ózi ju’rer ig’al apparatınan (PPU2, PPU3, 1 ADP-4-150) alınadı. Qurılma parogeneratoridag’i ig’al óziniń basımı menen nasos -kompressordagi neftti qisadi hám qatlamǵa kiredi. Qatlamǵa úlken muǵdardaǵı pardi aydaw ushın kúshli parogeneratorli qurılmalar (PPGU-4/120 M hám UPG-9/120 ) qollanıladı (2. 1.-keste)
Qurılmanıń texnikalıq tariypi: 2. 1.-keste

	PPGU-4/120 M	UPG-9/120
Íssılıq ónimliligi, Gkal/ch	2, 34	5, 25
Ig’al ónimliligi, T/ch	4	9
Pardin’ qurg’aqliq dárejesi	0.8	0.8
Qurılmadan shıǵıwda pardin’ jumısshı basımı, MPa	12 ge deyin	12 ge deyin
Talap etilgen quwat, kVt	55	170
Janar may sarpı :

2. 1.-keste dawamı
neft', kg/ch	331	720
gaz, m/ch	268	680
Salmaǵı, t
parogenerator bloki	82	43
suw tayarlaw bloki	8	28