“Ўзулгуржисавдоинвест” уюшмаси тизимидаги ҳудудий улгуржи савдо базалари билан томонларнинг мажбурияти тўғрисида “Келишув-шартномалари” тузилган

2. Дастурий таъминот (ахборотни киритиш ва қайта ишлаш учун дастурий маҳсулотлар). Мазкур гуруҳ ахборотни тўғридан-тўғри киритиш ҳамда қайта ишлаш учун зарур операцион тизимларни ва дастурий таъминот маҳсулотларини ўз ичига олади. Бунда умумий ва махсус дастур маҳсулотларини бир-биридан ажратиш мумкин. Умумий дастурий маҳсулотлар сирасига одатда барча корхоналарда ишлатиладиган умумқабул қилинган, стандартлаштирилган дастурлар киради. Махсус дастурлар эса муайян вазифаларни ҳал қилишга мўлжалланган дастурий маҳсулотлардан, яъни тасвирни қайта ишлаш, дизайнлаштириш, моделлаштириш ва ҳоказолардан иборат бўлади.
Ушбу технологияларнинг тўғри тўплами, шунингдек, уларнинг бир-бирига мантиқий ўзаро таъсири компаниянинг барча тармоқлари самарали ишлашига ёрдам беради.
Муаммонинг мавжудлиги ва ахборотни ҳимоя қилиш зарурияти ташкилот ичида уни муҳофазалаш усулларини ишлаб чиқишга олиб келди. Замонавий амалиётда улар бир нечта гуруҳга бўлиниши мумкин: ташкилий, антивирусли, пароллар орқали ҳимоя қилиш, криптографик, стенографик ва ҳоказолар.
Айни кезларда ахборот технологиялари корхонанинг бизнес жараёнларини оптималлаштириш учун ўз бизнеси функцияларини автоматлаштиришни якуний асосда оптималлаштириш сифатида қабул қилинади.
Ишлаб чиқариш жараёнлари бошқаруви ахборот технологиялари компаниянинг турли соҳаларида дастурий воситалар ва қарорлар қабул қилиш усулларини ўз ичига олади: молия, ишлаб чиқариш жараёни, сифатни бошқариш ва лойиҳалаш. 1-жадвал орқали корхоналарда мавжуд ахборот тизимлари билан танишиб чиқамиз:
1-жадвал⁹

Тизим турлари	Тизим элементлари	Тизимнинг асосий мақсади
Корхона	Одамлар, қурилмалар, материаллар, бинолар ва бошқалар	Маҳсулот ишлаб чиқариш
Компьютер	Электрон ва электромеханик ускуналар	Маълумотларни қайта ишлаш
Телекоммуникация тизими	Коммуникация воситалари, алоқа каналлари ва қурилмалар	Алоқа каналларини ўзаро боғлаш ва маълумот алмашувини таъминлаш
Ахборот тизими	Компьютерлар, компьютер тармоқлари, одамлар, ахборот ва дастурий таъминот	Маълумотларни яратиш, йиғиш, қайта ишлаш ва масофага узатиш