1-sessiya. Ilgʻor tajribalar asosida yaratilgan darsliklar majmualari asosida oʻqitish metodikalari. (60 min)

1-sessiya.
Ilgʻor tajribalar asosida yaratilgan darsliklar majmualari asosida oʻqitish metodikalari.
(60 min)

Bosqich	Mavzu	Usul	Faoliyat	Izoh
1	Salomlashish	Trenerning guruhga murojaati	5 daqiqa	Trener sessiyaning maqsadi haqida qisqacha soʻzlab beradi
2	Asosiy qism	«Qiziqarli, mazmunli dars oʻtish uchun nima kerak?» mavzusidagi aqliy hujum	10 daqiqa	Trener ishtirokchilarning javoblarni toʻplab, lavhaga yoki flipchartga yozib boradi
		Nazariy tushuntirish Zamonaviy metodika (1.1-band)	15 daqiqa	Trener tushuntirish yoki munozara shaklida boshlangʻich sinflardagi darslarda 4K modelini qoʻllash namunalari haqida soʻzlab beradi
		Kichik guruhlarda «Dars paytida 4K modelini qoʻllash» mavzusida ishlash	10 daqiqa	Ishtirokchilar kichik guruhlarga boʻlinib, berilgan mavzuni muhokama qiladilar
		Natijalarni taqdim qilish	10 daqiqa	Ishtirokchilar muhokama natijalarini boshqa ishtirokchilarga namoyish qiladilar. Trener fikr almashuvini olib boradi
3	Xulosa	Yakun yasash	10 daqiqa	Trening ishtirokchilari olib borilgan ishlar asosida 4K modelini qoʻllash usullari va namunalarini yozib oladilar

Nazariy qism
1.1. Zamonaviy taʼlim bugungi kun oʻquvchilariga quyidagilarni oʻrgatishi kerak:

1. 
   Kompleks vazifalarni hal qilish;
   
2. 
   Bilimlar, mantiq, tahlil, mushohadaga tayangan holda tanqidiy fikrlash, fikr-mulohazalarni shakllantirib, qaror qabul qilish;
   
3. 
   Ijodiy fikrlash;
   
4. 
   Insonlar bilan hamkorlik qilish;
   
5. 
   Jamoada ishlash;
   
6. 
   Oʻzining va boshqalarning emotsiyalarini (his-tuygʻularini) toʻgʻri baholash, ularni boshqarish, emotsional intellektga ega boʻlish;
   
7. 
   Diqqatni bir vazifadan boshqasiga tez qarata olish, moslashuvchan boʻlish.
   

Buning uchun taʼlim jarayonida “4K” modelini qoʻllash kerak.

4 “K” modeli
1. Kritik (tanqidiy) fikrlash (Critical Thinking); 2. Kreativlik (ijodiy yondashuv) (Creativity); 3. Kommunikatsiya (Communication); 4. Kooperatsiya (Coordinating With Others).