Bolalarda, Chanoq umurtqa pog‘onasi va oyoq shikastlarining xususiyatlari chanoq suyaklarining sinishI

---

 BOLALARDA, ChANOQ UMURTQA POG‘ONASI VA OYoQ ShIKASTLARINING 
XUSUSIYaTLARI 
ChANOQ SUYaKLARINING SINIShI 
Bolalarda chanoq suyagining jarohati kam uchrasada (1,4— 4,3%), ammo og‘ir kechadi. 
Chunki chanoq suyaklarining sinishi ko‘pincha balandlikdan tushib ketish, avtomobildan 
shikastlanish oqibatida kuzatiladi. Bunda faqat chanoq suyaklari sinmay, balki qorin va chanoq 
bo‘shlig‘ida joylashgan ichki a’zolar ham jarohatlanadi. 
Sinish chizig‘i U-simon tog‘aydan, dumg‘aza-yonbosh sinxondrozidan yoki yonbosh 
suyagining oldingi qirralaridan o‘tadi. Chanoq bir necha suyaklarning birlashishidan tashkil 
topganligi, birikib chanoq halqasi va yopqich teshigini hosil qilishi, undan boshlangan 
muskullarning son suyagiga va ko‘krak qafasiga birikishi o‘ziga xos sinishlar va singan 
bo‘laklarning o‘zgacha siljishiga sabab bo‘ladi. 
Singan chanoq suyagining tasnifi. A) Chanoq suyagi qirralarining sinishi. B) Chanoq 
halqasining butunligi buzilmagan holda sinishi. V) Chanoq halqasining butunligi buzilgan holda 
sinishi. G) Chanoq suyagining quymich kosachasi sohasida sinishi. 
Chanoq suyagi qirralarining sinishi. Bu turdagi sinishlar deyarli yengil kechadi. 
Bunday jarohat yoshi kattaroq bolalarda ko‘proq uchraydi. Ta’sir qiluvchi kuch bevosita suyak 
qirralariga ta’sir qiladi. 
Yonbosh suyagining old-yuqorigi qirrasi singanda singan yerda og‘riq sezilib, shish 
paydo bo‘ladi. Singan bo‘lak son fassiyasini taranglashtiruvchi va mashinachi muskulning 
qisqarishi ta’sirida pastga tortiladi. Bemor oyog‘ini ko‘tarib oldiga yurganda og‘riq kuchayadi. 
Shuning uchun bunday bemorlar orqaga qadam tashlab yurishni ma’qul ko‘radilar. Bu Lozinskiy 
simptomi deyiladi. 
Davosi. Birinchi o‘rinda singan sohaga 1%li novokain eritmasidan yuboriladi (bolaning 
yoshiga qarab 10 ml gacha). Keyin esa yuqorida aytib o‘tilgan mushaklar tarangligini 
kamaytirish uchun oyoq 2 haftaga Beller shinasiga qo‘yiladi. Agar bunday holatda bemor 
yotishga qiynalsa, u holda uni Volkovich holatida yotqizish mumkin. 
Yonbosh suyagining oldingi pastki qirrasi singanda singan joyda og‘riq, teri ostiga qon 
quyilishi va shish kuzatiladi. Singan bo‘lakni sonning to‘g‘ri muskuli tortadi.