Инвестиция жараёнларининг мазмуни ва асосий босқичлари

2-MAVZU:INVESTITSIYA JARAYONLARINING MAZMUNI VA ASOSIY BOSQICHLARI

• Ma’ruzachi: Bobur Ochilov

REJA:

• 1.Investitsiyalash maqsadlari va yoʼnalishlari.
• 2.Investitsiyalash obʼektlarini tanlash.
• 3.Real investitsiyalarni amalga oshirish va ularni oʼzlashtirish jarayonlari.

INVESTITSIYALASH MAQSADLARI

• G’arb adabiyotida[1] investitsiyalashning eng keng tarqalgan to’rt maqsadi keltiriladi: joriy daromadni ko’paytirish; kelgusida yirik xarajatalar uchun mablag’ jamg’arish; pensiya fondlarida mablag’ to’plash; daromadlarni soliqqa tortishdan himoyalash.
• Keltirilgan ro’yxatda investitsiyalash maqsadlarida manfaatlar ustuvorligi yaqqol va shu sababli uni sharhlashga zarurat yo’q, deb hisoblaymiz.
• Umuman olganda, investitsiyalash maqsadlarini to’rt guruhga ajratish mumkin:
• yangi ishlab chiqarish yoki xizmat ko’rsatishni tashkil etish;
• ishlab chiqarishni yoki xizmat ko’rsatishini kengaytirish;
• ishlab chiqarish samaradorligini oshirish;
• davlat tashkilotlari talabini qondirish, ularni mahsulot va xizmatlar bilan ta’minlash.
• [1] Гитман Л.Дж., Джонк М.Д. Основы инвестирования. Пер. с англ. – М.: «Дело», 1997. – С. 144.

INVESTITSIYALASH YO’NALISHLARI

• Investitsiyalash yo’nalishlari ham turlicha bo’lib, ular
• kapital qurilish sohasida (bu yerda asosiy fondlarga investitsiya qo’yilmalari amalga oshiriladi, ushbu soha buyurtmachi-investorlar, pudratchilar, loyihalashtiruvchilar, etkazib beruvchilar va boshqalar faoliyatini birlashtiradi),
• innovatsiya sohasida (bunda intellektual salohiyat va ilmiy-texnika mahsulotlari amalga oshiriladi) va boshqa sohalarda amalga oshiriladi.

REAL INVESTITSIYALAR QUYIDAGI MAQSADLAR UCHUN YOʼNALTIRILADI:

• ishlab chiqarishni kengaytirish va ishlab chiqarilayotgan mahsulotning sifatini yaxshilash uchun;
• yangi ishlab chiqarishlar, texnologiyalar hamda mahsulot turlariga;
• ishlab chiqarishni qayta qurish va texnik jihatdan qayta jihozlash uchun;
• atrof-muhitni muhofaza qilish, ijtimoiy vazifalarni bajarish uchun.
• Investitsiyalash obʼektlari boʼlib qurilayotgan, qayta qurilayotgan va kengaytirilayotgan binolar, inshootlar hisoblanadi.