Mavzu Buzilishlarning taqsimlanish qonunlari -2soat

Mavzu-5. Buzilishlarning taqsimlanish qonunlari -2soat

Reja:
5.1 Tasodifiy miqdorlar (sonlar), hodisalar.
5.2 Tasodifiy miqdorlarning taqsimlanishi.
5.3 Tasodifiy miqdorlarning taqsimlanishi, xarakteristikalari.
5.4 Buzilishlarning taqsimlanish qonunlari.
5.4.1 Normal taqsimlanish qonuni.
5.4.2 Veybull-Gnedenko taqsimlanish qonuni.
5.4.3 Logarifmik-normal taqsimlanish qonuni.
5.4.4 Eksponensial taqsimlanish qonuni.
Tayanch iboralar: variatsiya qatori; variatsiya koeffitsienti; Veybull-Gnedenko taqsimlanish qonuni; dispersiya; Logarifmik-normal taqsimlanish qonuni; nisbiy buzilishlar ulushi; Normal taqsimlanish qonuni; qaytalanishi (chastota); taqsimlanish qonuni; tasodifiy miqdorlar (sonlar); tasodifiy miqdorlarning ko‘lami; hodisalar; o‘rtacha arifmetik miqdor; o‘rtacha kvadratik og‘ish; Eksponensial taqsimlanish qonuni; ehtimoliy jarayonlar;
5.1 Тasodifiy miqdorlar (sonlar), xodisalar
Tasodifiy miqdorlar ikkita toifaga bo`linishi mumkin: diskret va uzluksiz tasodifiy o`zgaruvchi miqdorlar. Diskret tasodifiy miqdorlar deb, mumkin bo`lgan qiymatlari ayrim ajralgan sonlardan (bu mumkin bo`lgan qiymatlar chekli yoki cheksiz bo`lishi mumkin) iborat miqdorga aytiladi. Mumkin bo`lgan diskret tasodifiy miqdorlar cheklangan va cheklanmagan bo`lishi mumkin. Diskret tasodifiy miqdorlarga misollar: spidometrning yoki ma’lum bir vaqtning ichida haroratni o`lchangan qiymati.
Uzluksiz tasodifiy miqdor deb, sinov natijasida ma’lum qiymatlar oralig`idan barcha qiymatlarni olishiga ataladi. Mumkin bo`lgan uzluksiz tasodifiy miqdor soni cheksiz. Uzluksiz tasodifiy miqdorga misol: ma’lum bir vaqt oralig`ida har qanday transport turining tezligini yoki haroratini aniq vaqt oralig`ida o`lchash.
Tabiat va texnikada sodir bo‘layotgan jarayonlarni ikki katta guruhga bo‘lish mumkin:
1. Funksional bog‘lanish bilan aniqlanadigan jarayonlar;
2. Tasodifiy yoki ehtimoliy jarayonlar.