Vazirligi toshkent davlat iqtisodiyot universiteti

O‘ZBEKISTON RESPUBLIKASI
OLIY VA O‘RTA MAXSUS TA’LIM VAZIRLIGI TOSHKENT
DAVLAT IQTISODIYOT UNIVERSITETI

“MOLIYA” KAFEDRASI

“MOLIYA” fanidan

“Uy xoʻjaligi moliyasini tashkil etish va muvofiqlashtirib borishning obektiv zarurligi” mavzusida

Bajardi:	MNP-52 guruh talabasi A. Norchayev
Tekshirdi:	D. Xabibullaev

TOSHKENT –2022
Mavzu: Uy xoʻjaligi moliyasini tashkil etish va muvofiqlashtirib borishning obektiv zarurligi
Reja:

	Kirish	3
1	Uy xoʻjaligi moliyasining nazariy asoslari	4
2	Uy xo'jaligi moliyasini takomillashtirishning obektiv zaruriyati	13
3	Uy xoʻjaligi moliyasini rivojlantirishda xorij tajribalari	18
	Xulosa	20
	Foydalanilgan adabiyotlar ro’yxati	21

Kirish
Ilmiy loyiha mavzusining dolzarbligi. Uy xo‘jaliklari moliyasi taqsimlash funksiyasini bajarish bilan ishchi kuchining – ishlab chiqarish omillaridan biri sifatida uni takror ishlab chiqarish jarayonining uzluksizligini moddiy resurslar bilan ta’minlaydi. Aynan uy xo‘jaliklari moliyasining mana shu funksiyasi orqali har bir insonni hayot faoliyatini olib borish uchun zarur resurslar bilan ta’minlanishi amalga oshiriladi. Taqsimlash funksiyasini amal qilish obyekti uy xo‘jaligining tasarruf etadigan daromadi – yalpi daromadning soliqlar va boshqa majburiy to‘lovlar to‘langanidan keyin uy xo‘jaligining ixtiyorida qoladigan qismi.
Mamlakatimizda qishloq xo‘jaligini rivojlantirish, agrar sohaning barcha tarmoqlarini moliyalashtirish, ichki bozorda narx barqarorligini ta’minlash, yuqori qo‘shilgan qiymat zanjirini yaratish, agrar sohani mexanizatsiyalash, mahsulot yetishtirish, xarid qilish va sotishda bozor tamoyillarini keng joriy etish maqsadida: Iqtisodiy taraqqiyot va kambag‘allikni qisqartirish vazirligi, Moliya vazirligi, Qishloq xo‘jaligi vazirligining qishloq xo‘jaligini moliyalashtirishning qo‘shimcha mexanizmlari va moliyaviy vositalarini joriy etishni kengaytirish maqsadida Moliya vazirligi huzuridagi Qishloq xo‘jaligini davlat tomonidan qo‘llab-quvvatlash jamg‘armasi faoliyatini yangi bosqichga ko‘tarishga doir taklifi ma’qullandi.¹
Ilmiy loyiha ishining obyekti va predmeti. Ilmiy loyiha ishining obyekti sifatida uy xo’jaligi moliyasi tanlab olindi.
Ilmiy loyiha ishining maqsadi va vazifalari. Ilmiy loyihaning maqsad va vazifasi sifatida uy xo’jaligi moliyasini o’rganish, kamchilik va yutiqlarini aniqlash, muammolarni hal etish belgilandi.

1.Uy xoʻjaligi moliyasining nazariy asoslari.
Umumiy qoidaga ko‘ra, shaxsiy budjet yuritish uchun birinchi navbatda siz daromadlaringiz manbalarini aniqlab olishingiz lozim. Qaysi manbadan qancha mablag‘ kelishiga qarab, o‘rtacha oylik daromadingizni hisoblaysiz. Daromadlar prognozlarini tuzgach, xarajatlar smetasini tuzasiz va birinchi navbatda eng zaruriy, kechiktirib bo‘lmas xarajatlaringizga mablag‘ ajratasiz.
Aytishga osondek ko‘rinsa-da, aslida shaxsiy budjet yuritish vaqt, qat'iyat va intizom talab qiladi. Shu bilan birga, kishida bu xususiyatlarni shakllantiradi ham.
Shu o‘rinda, shaxsiy budjetga qaraganda oilaviy budjet yuritish murakkabroq ekanini ta'kidlash zarur. Keling, dastavval «uy-xo‘jalik moliyasi» tushunchasiga to‘xtalsak.