§ hr департаменти бўйича савол ва жавоблар

38.Микромолиялаш тўғрисидаги қонунга мувофиқ мижозга ажратилиши мумкин бўлган энг кўп микроқарз миқдори қанча?
50 млн.сўмгача микроқарз ажратилиши мумкин.


39.Истеъмол кредитининг шаклларини айтиб беринг?
Молиявий ва товар истеъмол кредитлари


40.“Фоизларни ўстирмаслик тўғрисида” Низомга асосан Банклар активларни «фоизларни ўстирмаслик» мақомига қандай ҳолларда ўтказади?
Асосий суммани қайтариш ёки унинг фоизини тўлаш муддати 90 кун ва ундан ортиқ муддатга кечиктирилган ҳолда (қайтариш муддати бир йилдан кўп бўлган фоизли активлар бўйича)


41.“Агробанк” АТБ филиаллари томонидан жисмоний шахсларга “Кредит карталар”ни ажратиш шартларини айтиб беринг?
Даромад манбаига эга бўлган жисмоний шахсларга 24 ой муддатга, йиллик 26,99% ставкада, мижознинг 1 (бир) ойлик ўртача иш ҳақисининг 4 баробаригача ажратилади.


42.Жисмоний шахсларнинг Суд жараёнидаги кредитлари қайси ҳисоб варақда юритилади?
Суд жараёнидаги кредитлар 15703 ҳисоб рақамда юритилади
43.Вазирлар Маҳкамасининг 318-сонли қарорига асосан кимларга 0% ставкада таълим кредитлари ажратилади?
Чин етимлар ва меҳрибонлик уйиларида тарбияланганлар, шунингдек болаликдан 1-2 гуруҳ ногирон талабаларга 0% ставкада таълим кредитлари ажратилади.


44.Жисмоний шахсларга ажратилган “Кредит карта”ларнинг асосий қарзи қайси ҳисоб варақда юритилади?
14913 ҳисоб рақамда юритилади


45.Жисмоний шахсларга қисқа муддатли кредитлар қайси ҳисоб варақдан ажратилади?
12501 ва 12503 ҳисоб рақам орқали ажратилади.


46.Жисмоний шахсларга ажратилган “умидсиз” деб топилган кредитлар қайси қарорга мувофиқ чиқим қилинади?
Умидсиз кредитлар Бош офис Кредит қўмитаси қарорига асосан чиқим қилинади.


47.Вазирлар Маҳкамасининг 318-сон қарорига асосан таълим кредити кимларга ажратилади?
Кундузги таълим учун Ўзбекистон Республикаси фуқаролари бўлган талабаларига, уларнинг ота-онасига ёки васийларига берилади.