Ў збекистон републикаси олий ва ўрта-махсус мудофаа вазирлиги таълим вазирлиги

Якуний қисм.........................................................................................
58
	Фойдаланилган адабиётлар рўйхати...................................................	59

Кириш
Инсоният тарихида ҳарбий санъатда ўчмас из қолдирган ҳарбий бошлиқлар жуда кўп. Унга мисол бўлиб Искандар Зулқарнай, Ганнибал, Юлий Цезарь ва бошқалар хизмат қилади. Уларнинг қаторида биз фахр ва чуқур эҳтиром билан Ўрта асрлар Шарқининг буюк давлат арбоби ва саркардаси Амир Темур номини эсга оламиз. Амир Темур стратегия мактабини, жанг олиб бориш тактикаси ва душман устидан ғалабага эришишнинг бетакрор усулларини яратиб ҳарбий санъат тарихи саҳифаларини бойитди.
Жаҳон ҳарбий тарихи Амир Темурни Ўрта Осиё Шарқининг буюк саркадаси эканлигини эътироф этади. Унинг ҳарбий истеъдоди икки йўналишда саркарда ва армиянинг ислоҳотчиси эканлигида намоён бўлди. Душманни айланиб ўтиш усули, уни ўзи учун қулай позицияга йўналтириш, куч жиҳатдан устун бўлган ғанимни ҳолдан тойдириш, қириб ташлашдек тактика ва стратегия унга тегишлидир.
Мана шунинг учун ҳам кўплаб давлатларнинг ҳарбий ўқув юртларида Амир Темурнинг ҳарбий санъати ўрганилади. Унинг жанговар тажрибаси жаҳоннинг бир қанча ҳарбий академиялари дарсликларига киритилган.
Ушбу қўлланмада Амир Темур армиясининг тузилиши, унинг саркардалик фаолияти ва асосий юришларида ҳарбий санъатнинг ривожланиши таҳлил қилинади.
Ўқув қўлланманинг биринчи бобида Амир Темур давлати, армиясининг яратилиши ва ташкилий тизими кўрсатиб берилмоқда.
Ўқув қўлланманинг иккинчи бобида Амир Темурнинг асосий ҳарбий юришларида ҳарбий санъатнинг ривожланиши ёритилган.
Ўқув қўлланма, Харбий таълим факультети талабаларининг Амир Темур ҳарбий санъати ҳақидаги таъсаввурларини бойитиш ва билимларини такомиллаштириш учун тасвия қилинади.

Чизма ва расмлар 12. Адабиётлар 6 номда.