1- сонли оммавий оферта тошкент шаҳри 04 -апрел 2020 йил. Атамалар ва таърифлар

Коммандитчи (ҳисса қўшувчи) -Коммандит ширкатда иштирок этишнинг қонунчилик билан белгиланган шакли бўлиб, Ширкат ишларини бошқариш ва бажаришда, Ширкатнинг тадбиркорлик фаолиятини амалга оширишда иштирок этмайдиган Ширкат иштирокчиси
Қабул қилиш - Оммавий Офертада қайд этилган шахснинг Оммавий Офертада кўзда тутилган хатти-ҳаракатларни бажаришга қарор қилганлиги ҳақидаги тўлиқ ва шартсиз жавоби
Томон ёки томонлар – контекстдан келиб чиққан ҳолда Тўлиқ шерик ва Сармоядор ёки мос равишда Сармоядор ва Тўлиқ шерик.


IМАN Invest платформаси - (www.imaninvest.com Интернет манзилида ва IМАN Invest мобил иловасида жойлашган, Google Market ва Аpp Store-да юклаб олиш учун мавжуд) Сармоядорнинг Ширкатга кириши, ундаги иштироки ва Ширкатдан чиқиши билан боғлиқ Оммавий офертада кўзда тутилган ҳаракатларни бажариш мумкин бўлган IМАN Invest электрон платформаси


Иштирок этиш муддати – битим тузиш учун зарур бўлган ҳаракатларни амалга оширишда Cармоядор томонидан танланган Ширкатда Cармоядорнинг иштирок этиши кутилаётган давридир. Иштирок этиш муддати Cармоядорнинг Ширкатдан чиқиш ҳуқуқини унинг муддати тугагунига қадар чекламайди, ҳамда унинг муддати тугагандан кейин Ширкатдан чиқиб кетишга мажбур қилмайди. Cармоядор томонидан танланган иштирок этиш муддати Тўлиқ шерик томонидан Ширкат фойдасининг тақсимотини ҳисоблашда ва Ширкатдан чиқишда Cармоядорга тўланадиган қийматни ҳисоблашда қўлланилади.


IRR-заҳира - Ширкатнинг ўз иштирокчилари ўртасида (дивидендлар) тақсимлашга мўлжалланган, Ширкатнинг соф фойдасидан ажратмалар ҳисобига ҳосил қилинган, Ширкатнинг савдо фаолияти амалга оширилганда вужудга келиши мумкин бўлган зарарларини қоплашга мўлжалланган Ширкатнинг резерв фондидир.


Таъсис шартномаси - Тўлиқ шерикнинг қарори билан тасдиқланган ва белгиланган тартибда рўйҳатдан ўтказилган Ширкатнинг таъсис ҳужжати

2. 
   УМУМИЙ ҚОИДАЛАР
   

2.1. Ушбу Оммавий оферта "IMAN HALAL INVESTMENTS" масъулияти чекланган жамиятининг Оммавий офертада кўрсатилган шартларга асосан Битим тузиш мақсадида чексиз одамлар жамоасига мўлжалланган расмий оммавий ҳужжати ҳисобланади.

2.2. Оммавий оферта Ўзбекистон Республикаси Фуқаролик Кодекси, 06.12.2001 йилдаги “Хўжалик ширкатлари тўғрисида”ги 308-II – сонли Ўзбекистон Республикаси Қонуни, Ширкат таъсис шартномасига мувофиқ ишлаб чиқилган ва сармоядорнинг Ширкат иштирокчилари таркибига кириш тартибини назорат қилади.

2.3. Ушбу Оммавий офертанинг шартлари Томонларнинг Битимдан келиб чиқадиган ҳуқуқий муносабатларига қўлланилади.

2.4. Сармоядорнинг Ширкатга кириши, Ширкатдаги иштироки ва ундан чиқиши тўғрисидаги муносабатларга ушбу Оммавий оферта шартларидан ташқари, Ширкат Таъсис шартномаси, “Хўжалик ширкатлари тўғрисида”ги ва Ўзбекистон Республикасининг бошқа норматив - ҳуқуқий ҳужжатлари ҳам татбиқ этилади.

2.5. Оммавий офертанинг амал қилиш муддати чекланмаган. Ушбу Оммавий офертанинг амал қилиши исталган вақт, IMAN Invest платформасида тегишли билдиришнома эълон қилган ҳолда Тўлиқ шерик томонидан унинг қарорига кўра тўхтатилиши ёки тугатилиши мумкин. Ушбу битим билан бирга, билдиришнома эълон қилингунга қадар тузилган битимлар ўз кучида қолади.

2.6. Тўлиқ шерик Сармоядорларни ёки учинчи шахсларни огоҳлантиришсиз Оммавий офертага ўзгартириш киритиш ҳуқуқига эга.

Сармоядорлар “IMAN Invest” платформасида тегишли билдиришномаларни эълон қилиш орқали Оммавий офертага киритилган ўзгаришлар ва қўшимчалардан хабардор қилинади.
Оммавий Офертага Тўлиқ шерик томонидан ўзгартириш ва қўшимчаларнинг бир томонлама киритилиши “IMAN Invest” платформаси орқали Таъсис шартномасида назарда тутилган тартибда амалга оширилади.