1-Mavzu: Arxeologiya faninig maqsad va vazifalari. Reja

Amir Temur g’ori. Boysundagi muste davri g’or-makonlaridan yana biri Amir Temur g’oridir. U Teshiktosh g’oridan uncha uzoq bo’lmagan erda joylashgan. G’ordan 3 qavat madaniy qatlam topilib, uning 1- va 2-qatlamlari so’nggi tosh asriga, quyidagi 3-qatlam esa muste davriga mansubdir. Muste davriga mansub madaniy qatlamdan gulxan qoldig’i, pista ko’mir, qo’pol ishlangan qirg’ich, gardishsimon nukleus (o’zak), siniq uchrindi va boshqa tosh buyumlar topilgan. Amir Temur g’orining 3-qatlamidan topilgan tosh qurollar Teshiktoshning yuqori qatlamidan topilgan muste davri qurollariga o’xshaydi Shu bilan birga gorning madaniy qatlamlamlaridan yovvoyi ot, bars, ayiq, giena, quyon, kemiruvchi va qushlarning suyaklari ham topilgan. Demak, bu g’orda yashagan kishilar ham teshiktoshliklar sin-gari ham ovchilik, ham termachilik bilan shug’ullanganlar ham-da har ikki to’da olovdan keng foydalangan.

Keyingi vaqtda arxeologlar Surxondaryo vodiysining turli joylaridan, xususan, To’palang daryosi bo’ylaridan muste davri kishilarining mehnat qurollarini topganlar. Demak, muste davri kishilari—neandertallar faqat Boysundagina yashamay, balki butun Surxon vohasiga ham keng tarqalgan ekanlar.