1-mavzu. Fanga kirish. Fanning maqsadi va vazifalari. Akrreditatsiya tushunchasi va akkreditatsiya sohasiga oid me’yoriy xujjatlari
Download 3.32 Mb. Pdf ko'rish
|
opop
- Bu sahifa navigatsiya:
- 7.6. O‘lchovlar noaniqligini baholash
|
7.5. Texnik yozuvlar
7.5.1. Laboratoriya har bir laboratoriya faoliyati bo‘yicha texnik yozuvlar natija, hisobot, shuningdek o‘lchashlarning natijalariga ta’sir qiladigan omillarni va ular bilan bog‘liq o‘lchashlar noaniqligini osonroq aniqlash, ish bajarilgan sharoitga imkon qadar yaqin sharoitda laboratoriya ishlarini takrorlash imkoniyatini ta’minlash uchun yetarlicha ma’lumotlarni o‘zi ichiga olishini kafolatlashi shart. Texnik yozuvlarda har bir laboratoriya ishi bajarilgan, ma’lumotlar va natijalar tekshirilgan sana va ularni bajarish uchun mas’ul shaxs ko‘rsatilishi shart. Dastlabki kuzatishlar, ma’lumotlar va hisob-kitoblar qachon amalga oshirilgan bo‘lsa, shu vaqt qayd etilishi va muayyan vazifa bilan yaqqol bog‘langan bo‘lishi zarur. 7.5.2. Laboratoriya texnik yozuvlardagi o‘zgarishlar oldingi versiyalargacha ham, dastlabki kuzatuvlargacha ham kuzatilishi mumkinligini kafolatlashi shart. Dastlabki ma’lumot va fayllar ham, o‘zgargan ma’lumot va fayllar ham, shu jumladan o‘zgartirish sanasi, o‘zgartirish va o‘zgartirish kiritish uchun mas’ul shaxslar ham saqlanishi shart. 7.6. O‘lchovlar noaniqligini baholash 7.6.1. Laboratoriyalar o‘lchovlar noaniqligiga qo‘shilgan hissani belgilashlari shart. O‘lchovlar noaniqligini baholashda noaniqlikka hissa qo‘shuvchi, ahamiyatga ega, shu jumladan namuna olishda yuzaga keladigan barcha tarkibiy qismlar, tegishli tahlil usullaridan foydalangan holda, e’tiborga olinishi zarur. 7.6.2. Kalibrlashni, shu jumladan o‘z asbob-uskunalarini kalibrlashni amalga oshiruvchi laboratoriya barcha kalibrlash jarayonlari uchun noaniqlikni baholashi shart. 7.6.3. Sinov o‘tkazuvchi laboratoriya o‘lchovlar noaniqligini baholashi shart. Sinov usuli o‘lchov noaniqligini aniq baholashni istisno etadigan holatlarda baholash nazariy printsiplar yoki usulni qo‘llash bo‘yicha amaliy tajribaga asoslangan holda amalga oshirilishi lozim. 1-ESLATMA. Umume’tirof etilgan sinov usuli o‘lchovlar noaniqligining asosiy manbalari qiymati chegaralarini va hisoblab chiqilgan nitajilarni taqdim etish shaklini belgilab beradigan holatlarda laboratoriya 7.6.3-bo‘lim talablariga mos deb hisoblanadi va buning uchun u sinov usuliga va natijalarni taqdim etish b o‘yicha yo‘riqnomalarga amal qilishi shart. 2-ESLATMA. Agar laboratoriya ta’sir qiluvchi muhim omillar nazorat ostidaligini isbotlay olsa, natijalarni o‘lchash noaniqligi belgilangan va tasdiqlangan muayyan usul bo‘yicha har bir natija uchun o‘lchovlar noaniqligini baholash zarurati yo‘q. 3-ESLATMA. Qo‘shimcha ma’lumot uchun ISO/IEC 98-3 Qo‘llanmasi, ISO 21748 va ISO/IEC 5725 hujjatiga qaralsin. Download 3.32 Mb. Do'stlaringiz bilan baham: 
|