1-mavzu. Fanga kirish. Fanning maqsadi va vazifalari. Akrreditatsiya tushunchasi va akkreditatsiya sohasiga oid me’yoriy xujjatlari

7.4. Sinov va kalibrlash ob’ektlarini ishlatish 
7.4.1. Laboratoriya sinov yoki kalibrlash ob’ektlarini transportda tashish, qabul 
qilish, ishlov berish, himoya qilish, saqlash, saqlash muddatini aniqlash va 
utilizatsiya qilish yoki qaytarish uchun, shu jumladan sinov yoki kalibrlash 
ob’ektlarining butunligini himoya qilish, shuningdek laboratoriya va 
buyurtmachining manfaatlarini himoya qilish uchun taomillarga ega bo‘lishi shart. 
Tavsiflar yomonlashishini, ifloslanishni, ishlov berish, transportda tashish, saqlash 
va sinov yoki kalibrlashga tayyorlash jarayonida ob’ekt yo‘qotilishi yoki zarar 
ko‘rishini istisno etishga alohida e’tibor berilishi shart. Ob’ektlarni ishlatish 
bo‘yicha yo‘riqnomalarga amal qilish zarur. Qo‘llanmalar ob’ektga ilova qilinadi. 
7.4.2. Laboratoriya sinash va kalibrlash ob’ektlarini uzil-kesil identifikatsiya 
qilish tizimiga ega bo‘lishi shart. Bu identifikatsiya ob’ekt uchun laboratoriya 

---

mas’ul bo‘lgan davr mobaynida saqlanishi zarur. Tizim ob’ektlar jismonan yoxud 
yozuvlarda yoki boshqa hujjatlarda ko‘rsatilganda adashtirilmasligini kafolatlashi 
kerak. Zarur bo‘lsa, bu tizimda ob’ekt yoki bir guruh ob’ektlar ajratilishi yoki 
ob’ektlar ko‘chirilishi ko‘zda tutilishi lozim. 
7.4.3. Sinash va kalibrlash ob’ekti qabul qilib olingan paytdan boshlab, 
belgilangan shartlardan og‘ishlar qayd etilishi shart. Ob’ekt sinash yoki kalibrlash 
uchun yaroqli ekaniga gumon tug‘ilsa, yoki ob’ekt ilova qilingan tavsifga mos 
bo‘lmasa, laboratoriya biror ishni boshlash uchun yo‘l-yo‘riq olish maqsadida 
buyurtmachi bilan maslahatlashishi va maslahatlashuvlarning natijalarini qayd etishi 
zarur. Agar buyurtmachi, belgilangan shartlardan og‘ishni tan olib, ob’ekt sinalishi 
yoki kalibrlanishini talab etsa, laboratoriya hisobotda javobgarlikni o‘zidan soqit 
qilishini qayd etishi kerak. Bu hol og‘ishlar natijalarga ta’sir qilgan bo‘lishi 
mumkinligiga ishora qiladi. 
7.4.4. Ob’ektlarni ma’lum muhitda saqlash talab etilganda, bunday muhit 
yaratilishi, kuzatilishi va qayd etilishi shart.