- Эндиги вазифа кишиларимизнинг мустақил фикрлашга ўрганиши, ўзига ишончининг орта боришидир. Чунки, тафаккур озод бўлмаса онг ва шуур тазйиқдан, қулликдан қутулмаса, инсон тўла озод бўлолмайди. Шу жиҳатдан, янгича тафаккурнинг асосий вазифалардан бири одамларнинг миллий онгги, сиёсий маданиятини юксалтириш, кишиларда милий ғурурни ўстириш, миллий қадриятларни тиклаш ва ривожлантириш сингари замонавийлашув жараёнлари учун муҳим аҳамиятга эга бўлган масалалар ҳам киради.
- Мустақилликни мустаҳкамлаш билан боғлиқ вазифаларни амалга оширишда, демократик жамият қуриш учун унинг ижтимоий-иқтисодий негизларини яратиш, истиқлолнинг моҳиятини фаол тарзда ижтимоий онгга сингдириш, миллий фалсафани тиклаш, муқаддас анъаналаримизни англаш ва ҳар томонлама ривожлантириш, истибдод даврида юзага келган иллатларни ижтимоий ҳаётнинг барча соҳаларидан сиқиб чиқариш, шунингдек, мустақиллик, озодлик, тенг ҳуқуқлилик туйғуларини сингдириш каби аниқ вазифаларни ўзига қамраб олади.
2. Янгича тафаккурни шакллантиришнинг фалсафий омиллари - Янгича тафаккур шакллантиришда қуйидаги омилларларда намоён бўлади:
- Биринчидан, жамиятнинг муваффақиятли модернизацияси миллий тафаккур билан узвий боғлиқдир. Бинобарин, ҳар қандай трансформацион жамият объектив равишда муайян типдаги фалсафага эҳтиёж мавжуддир. Чунки, ижтимоий ўзгаришлар, сиёсий ислоҳотлар мақсади аҳолининг кенг қатламларига тушунтирилиши, фуқароларнинг давлатга, эртанги кунга ишончи пайдо бўлиши, уларда ижтимоий муаммолар ечимига фаол позицияси шакллантирилиши, умумий консенсус ва б. фалсафий омилни муқаррар равишда тақозо этади. Агар, жамият модернизациясида миллий фалсафа иккинчи даражали мақсад ва вазифалар тарзида қаралса, бу ҳол, нафақат асосий жараёнларга ҳалақит беради, балки барча ўзгаришларнинг тўғри амалга ошмаслигига олиб келади.
- Иккинчидан, ўзбек миллий тафаккурининг шаклланиши ва доимий такомилаштирилиши ниҳоятда серқирра, чуқур, кенг ва масъсулиятли вазифа эканлиги мутахассислар томонидан эътироф этилган. Шу маънода, миллий фалсафа нафақат ижтимоий, иқтисодий, ҳуқуқий, сиёсий, балки маънавий ҳаётнинг асосларини ўзига хос тарзда мустаҳкамлайди.
- Учинчидан, ҳар қандай жамиятда миллий фалсафа ижтимоий тараққиётнинг ўта муҳим субъектив омилларидан бири сифатида доимо муҳим аҳамият касб этади. Зеро, фалсафада жамият равнақи таъминланишида умумманфаат ва умумий мақсадлар ифодаланади.
Do'stlaringiz bilan baham: |
