1§. Temir olishning domnadan tashqari usullari tasnifi. Ayrim ta'riflar

20§. Koreks jarayoniga energiya xarajatlari.
Temir oksidlarini tiklash: 

1 kg temirga 67,2/112= 0,6 m³ tiklovchi gaz sarflanadi, bunda (0,35)- 0,6/0,35 = 1,7 m³/kg undan foydalanish darajasi hisobga olinadi.

Bilvosita tiklash darajasini 1 ga teng deb olamiz. Bunda eritish agregatida FeO tiklashgacha hisobga olinmaganligi hisobiga xatolik FeO bevosita tiklash reaksiyasining endotermik samarasini hisobga olmaslik bilan kompensatsiyalanadi.
Unda cho‘yanning tarkibini 94% FeO, 5% С, 1% Si deb qabul qilib, 1 t cho‘yanga tiklagich-gaz sarfini hisoblaymiz: 940:1,7= 1600m³/t.
Koreks sanoat qurilmasida 60 % С_nel, 30% uchuvchan moddalar va 10% kul tarkibli ko‘mirdan foydalaniladi. С₃Н₈ birikmasiga mos keluvchi uchuvchanlarni shartli qabul qilib, quyidagiga ega bo‘lamiz:
С+1/2O₂=СO; 22,4/12=1,87m³/kg;
С₃Н₈ +1,5O₂=3СO+4Н₂; (7∙22,4)/44= 3,6m³/kg;
0,6∙ 1,87+ 0,3∙ 3,6 = 2,2 m³/kg yoki m³/t.
1600m³olish uchun to‘liq bo‘lmagan yonish reaksiyasi bo‘yicha 1600/2200=0,728 t ko‘mirni yoqish lozim.
Cho‘yanni uglerodlash. Cho‘yanda 5% С bo‘lganda, 50 kg С/t yoki 50/0,6 kg ko‘mir/t zarur bo‘ladi.
Jami jarayonning kimyoviy ehtiyojiga kamida 728+83 = 811 kg ko‘mir/t zarur bo‘ladi.
Uchuvchanlar miqdorini kamaytirganda jarayonning kimyoviy ehtiyojiga ko‘mir sarfi oshib boradi. Masalan, ko‘mirning 85% С , 5% uchuvchanlar, 10% kul tarkibida tiklashga ko‘mir sarfi quyidagicha:
1 kg ko‘mirdan 1,87 ∙ 0,9 = 1,682 m³, yoki 1680 m³/t tiklagich-gaz olinadi;
tiklash jarayonlarini ta'minlash uchun ko‘mir sarfi 1600/1680=0,952t.
Tiklashga va uglerodlashga ko‘mirning umumiy sarfi 952+83=1035 kg/t tashkil etadi.
Jarayonning issiqlik talablarini qondirishga yoqilg‘i sarfi. Oddiy hisoblashlar shuni ko‘rsatadiki, ko‘mirning ko‘rsatilgan miqdori to‘liq talafotlarni hisobga olgan holda, jarayonning issiqlik ehtiyojlarini qondirishga etadi. Jarayonga kislorod sarfi 600-700=m³/t; elektroenergiya sarfi 230 kVt∙s/t.